• Dota 2-ын 2023 оны сүүлийн том тэмцээн "ESL One Kuala Lumpur 2023" дууслаа
• Тэмцээнд Хятадын "Azure Ray" баг түрүүлэв

Dota 2-ын 2023 оны сүүлийн том тэмцээн "ESL One Kuala Lumpur 2023" өнөөдөр өндөрлөлөө. Оны дөрөв дэх major гэж хэлж болох тус тэмцээнд Хятадын "Azure Ray" баг түрүүллээ.

Энэ оны тавдугаар сард байгуулагдсан Azure Ray баг гранд финалд 2023 оны дэлхийн аварга шалгаруулах тэмцээнээс бусад томоохон тэмцээнүүдийг хамсан Европын "Gaimin Gladiators"-ыг 3-2 харьцаагаар хожив. Эхний хоёр map-д хожигдоод байсан тэд гурван map дараалан илүүрхэж ESL-ын цомыг өргөлөө.

Azure Ray өмнөх гурван мажорын аваргуудыг хэсгийн шатанд хожсон ч хасагдах шат буюу дээд хүснэгтийн финалд 2-0 харьцаагаар хожигдоод байсан юм.

• 12 САРЫН СПОРТ: Монгол багууд MLBB, PUBG Mobile-ын дэлхийн финалд тоглоно
• Спортын салбарын шилдгүүдийг тодруулах “Бөртэ чоно 2023”-ын нэр дэвшигчид тодорлоо
• 2023 ОНЫ ОНЦЛОХ ҮЙЛ ЯВДЛУУД

Доод хүснэгтийн финалд хүч сэлбэсэн "Team Liquid" багийг 2-1 харьцаагаар хожсон Хятадын баг шинэ үеийн эхлэл болж байгаа зарлав.

Багийн бүрэлдэхүүн:

• Carry: Lou (Ybb Gaming, Xtreme Gaming багт байсан)
• Midlaner: Xm (Xtreme Gaming, Vici Gaming багт байсан)
• Offlaner: Xxs (Team Aster, Invictus Gaming багт байсан)
• Support: XinQ (Xtreme Gaming, PSG.LGD багт байсан)
• Support: 天命 (Ybb Gaming, Team Aster багт байсан)

Тэмцээний дундуур Dota 2-ын 7.35 дугаартай шинэчлэл болж, тэмцээнийг улам сонирхолтой улам болгосон ба баг, тамирчдын ур чадвар, мэдлэгийг сорьсон үйл явдал боллоо.

1 сая ам.долларын шагналын сантай тэмцээний ялагч 300 мянган ам.доллар болон "ESL Pro Tour"-ын 4800 оноо цуглуулсан бол дэд байр 175 мянган ам.доллар 3600 оноо халааслав.