#3x3 Ulaanbaatar MMC Energy баг Wuxi Masters 2024 тэмцээний хэсгийн шатанд 21-10, 21-14 харьцаагаар хожигдож тэмцээнээ дуусгав.

3x3 сагсан бөмбөгийн дэлхийн цуврал тэмцээний нэг "Wuxi Masters 2024" Хятадын Үши хотод өчигдөр эхэлсэн. 144 мянган ам.долларын шагналын сантай тэмцээнд Монголын "Ulaanbaatar MMC Energy" баг оролцсон ч хэсгээсээ гарч чадалгүй нутаг буцлаа.

Тэд тэмцээний "А" хэсэгт эхний тоглолтдоо дэлхийн чансааг тэргүүлэгч Страиня Стоячич, дэлхийн чансааны 7-д жагсаж буй Марко Бранкович тэргүүтэй Сербийн "Ub Huishan NE" багтай хийж 21-14 харьцаагаар хожигдсон. Тоглолтод монголын багийн тоглогчид жигд 3-4 оноо авсан бол Сербийн багаас Деян Маястрович таван дотолгооныхоо дөрвийг амжилттай болгон 7 оноо, 5 самбартай багаа тэргүүлэв.

• Ulaanbaatar баг Шанхайд өрсөлдсөнтэй ижил бүрэлдэхүүнээр Wuxi Masters-т тоглоно
• АРАВДУГААР САРЫН СПОРТ: Жүдо, чөлөөт бөхийн залуучуудын ДАШТ болно

Ингээд хэсгийн хоёрдугаар байраар playoffs-т шалгарахын төлөө АНУ-ын "Princeton" багтай тоглоход Э.Дөлгөөн оноо авч чадаагүй дууссан бол нөгөө талд Жером Десросиерс 8 оноо авч багаа хошуучилснаар 21-10 харьцаагаар Нэгдсэн улсын баг ялсан.

Ийнхүү "Ulaanbaatar MMC Energy" баг хоёр тоглолтоос нийт 24 оноо авч хэсгийн гуравдугаар байраар тэмцээнээ дуусгав.

Өмнөх Шанхайн тэмцээнд 4-р байрт шалгараад байсан тэдний дараагийн том тэмцээн нь энэ сарын 12-д эхлэх "Amsterdam Masters 2024" байх юм.

Багийн бүрэлдэхүүн:

• Даваасамбуугийн Дэлгэрням. 34 настай
• Марко Дугосия. 33 настай
• Энхбатын Дөлгөөн. 32 настай
• Стив Сөр. 42 настай