#3x3 Дэлхийн цуврал тэмцээний нэг 144 мянган ам.долларын шагналын сантай "Wuxi Masters 2024"-т Монголын "Ulaanbaatar MMC Energy" баг оролцоно.

3x3 сагсан бөмбөгийн дэлхийн цуврал тэмцээний нэг "Wuxi Masters 2024" Хятадын Үши хотод аравдугаар сарын 1-д эхэлнэ. Хоёр өдөр үргэлжлэх тэмцээнд Монголын "Ulaanbaatar MMC Energy" баг оролцоно.

Дэлхийн шилдэг 14 баг оролцох тэмцээний А хэсэгт багтсан монголын багийн бүрэлдэхүүн: /Багийн тав дахь гишүүн Цогтын Отгонжаргал энэ удаагийн тэмцээнийг өнжинө/

• Даваасамбуугийн Дэлгэрням. 34 настай
• Марко Дугосия. 33 настай
• Энхбатын Дөлгөөн. 32 настай
• Стив Сөр. 42 настай

Ulaanbaatar MMC Energy баг А хэсэгт дэлхийн чансааг тэргүүлэгч Страиня Стоячич, дэлхийн чансааны 7-д жагсаж буй Марко Бранкович тэргүүтэй Сербийн "Ub Huishan NE", АНУ-ын "Princeton" багуудтай нэг хэсэгт багтсан.

Хэсэг тус бүрээс 2 баг playoffs-т шалгарна. Тэмцээний шагналын сан 144,500 ам.доллар.

• 1-р байр - 40,000$
• 2-р байр - 30,000$
• 3-р байр - 22,000$
• 4-р байр - 16,000$
• 5-р байр - 10,000$
• 6-р байр - 8,000$
• 7-р байр - 6,000$

Мөн энэ өдрүүдэд "Manama Masters 2024" тэмцээний эрх олгох "Yichang Challenger 2024" тэмцээн Хятадын Ичан хотод болно. Тус тэмцээнд Монголын "Selenge Bodons" баг оролцоно. Багийн бүрэлдэхүүн:

• Боргилын Батзолбоо. 31 настай
• Юсүф Мохамед. 25 настай
• Сарантуягийн Баттөр. 23 настай
• Базаргүрийн Алтанцаг. 28 настай

Selenge Bodons тэмцээний урьдчилсан шатны B хэсэгт Австрийн "Brisbane CLB EXE", Хятадын "Yichang" багуудтай тоглоно. Тэдний нэг нь л үндсэн тэмцээний D хэсэгт Литвагийн "Marijampole Mantinga", Латвийн "Kandava Turība" багуудтай тоглох эрхтэй болно.