Өнгөрч буй долоо хоногт болсон, онцлох үйл явдлууд юу байв? Хэн, юу хэлэв? Хаана ямар үйл явдал болсон бэ? 

Энэ сарын 1-нд Улсын Их Хурлын намрын чуулганы нэгдсэн хуралдаан нээлтээ хийв. Сонгуулийн дүнд шинээр бүрдсэн, таван намын төлөөлөл бүхий, 126 гишүүнтэй парламентын намрын чуулганы нээлт 100 гишүүн буюу 74 хувийн ирцтэйгээр эхэллээ. 

Нээлтэд Үндсэн хуулийн цэцийн гишүүд, Улсын дээд шүүх, Шүүхийн ерөнхий зөвлөл, Улсын Их Хурлаас удирдлага нь томилогддог байгууллагуудын дарга нар, Монгол Улсад суугаа гадаад улс орны Элчин сайд нар, Дипломат төлөөлөгчийн газар, олон улсын байгууллагын тэргүүнүүд урилгаар оролцлоо.

Ерөнхийлөгч У.Хүрэлсүхийн урилгаар Бүгд Найрамдах Социалист Вьетнам Улсын Ерөнхийлөгч бөгөөд Коммунист Намын Ерөнхий нарийн бичгийн дарга То Лам есдүгээр сарын 30-ны өдөр төрийн айлчлал хийхээр хүрэлцэн ирлээ. Вьетнам сүүлийн жилүүдэд үсрэнгүй хөгжиж буй улс юм.

Вьетнам, Монгол Улсын хооронд дипломат харилцаа тогтоосны 70 жилийн ой энэ онд тохиож байна. Энэ айлчлалаар нийт баримт бичигт гарын үсэг зурав.
........................

Ирэх баасан гарагт орон нутгийн сонгууль болно. Энэ сонгуулиар бид хэнийг сонгох, ИТХ-ын төлөөлөгчид ямар эрх үүрэгтэй талаар сэтгүүлч Л.Амарцэцэг танилцуулав.   

САНАЛ БОЛГОХ ЯРИЛЦЛАГА

 

Их сургуулиа төгсөн багш болж, мэргэжлээрээ 20 жил ажилласан гэр бүл төрөлх нутаг, нийслэлээс 630 км алслагдсан Дорнод аймгийн Баян-Уул сум руугаа шилжиж, нутагтаа сайхан амьдрах шийдвэр гаргажээ.

Базарсадын Жамбаацэрэн УБИС-ийг Дүрслэх урлагийн багш мэргэжлээр, түүний эхнэр Ганболдын Одтуяа Хүмүүнлэгийн ухааны их сургуулийг Англи хэлний багш мэргэжлээр төгссөн нутгийн хоёр. Тэд сургуулиа төгсөөд Сонгинохайрхан дүүргийн “Ирээдүй” цогцолбороос ажлын гараагаа эхэлсэн ба эхнэр Г.Одтуяа 21 дэх жилдээ энэ сургуульдаа багшилж байна. Сэтгүүлч Э.Энхмаагийн ярилцлагын үргэлжлэлийг эндээс уншина уу.

САНАЛ БОЛГОХ НИЙТЛЭЛ



Америкийн нэгдсэн улсын Төрийн департаментад Эрчим хүчний нөөцийн товчоо харьяалагддаг. Тус товчооны Эрчим хүчний дипломат харилцааны асуудал хариуцсан Туслах төрийн нарийн бичгийн даргын орлогч Кимберли Харрингтон Монгол Улсад энэ сарын 1-3-ны өдрүүдэд айлчлав.

Тэрээр Засгийн газрын гишүүдтэй "Эрчим хүчний яриа хэлэлцээ" хийхээр манай улсад анх удаа иржээ. АНУ-ын дарга нар Азийн бусад улсуудад айлчлахдаа Монголоор дайрах нь түгээмэл. Харин Кимберли Харрингтон шууд Монголд ирсэн байна.

Энэ сарын 01-нд Гадаад харилцааны яаманд “Эрчим хүчний яриа хэлэлцээ” болсон. Энэ хэлэлцээгээр манай улсын сэргээгдэх эрчим хүчний зорилтуудыг биелүүлэх, энэ салбарт хөрөнгө оруулах, эрчим хүчний сүлжээ, дэд бүтцийг өргөтгөхөд хоёр улс хэрхэн хамтрах тухай голчлон ярилцсан байна. Хэлэлцээ сэтгүүлчдэд хаалттай болсон юм. Сэтгүүлч Б.Эрдэнэчимэгийн бичсэн “АНУ: Монгол бидний эрчим хүчний салбар дахь стратегийн түнш” нийтлэлийн үргэлжлэлийг эндээс уншаарай.    

Энэ бол 18 настны гутал. Хайртай хүнтэйгээ гэрлэлтээ батлуулж гал голомтоо бадрааж болно. Жолооны үнэмлэх авч, автомашинтай болж болно. Анхны зарлангаар цэрэгт мордож алба хааж болно. Тийм ээ, 18 насанд хүрсэн даруйд “болно” гэх тодотголтой олон боломжууд нээгдэж, эрхзүйн чадамжтай иргэн болдог.  Тийм учраас л 18 насны тухай онцгойлон дуулж шүлэглэдэг биз.

Сэтгүүлч Г.Тэгшсүрэн “Гутал” цувралдаа цахим мөрийтэй тоглоом зохион байгуулахад оролцсон хэмээн цагдаагийн байгууллагад шалгагдаж буй иргэнтэй ярилцсанаа сийрүүлжээ.   

Сонгогчдын Боловсрол Төвийн Гүйцэтгэх захирал С.Оюунтуяатай ярилцлаа. 

-Орон нутгийн сонгуулийн санал авах өдөр дөхөж байна. Танай “Сонгогчийн лавлах утас”-д давтамж өндөртэй ирж байгаа дуудлагуудаас яриагаа эхлэх үү?
-Тийм байна, хэдхэн хоногийн дараа орон нутгийн хурлын ээлжит сонгуулийн санал авах өдөр тохиох нь. Сонгогчийн лавлах утсаар хамгийн их асууж байгаа зүйл бол мандатын тоотой холбоотой саналаа яаж өгөх вэ гэдэг асуулт. Хоёр дахь нь сонгуулийн санал авах өдөр бүх нийтээр амарна биз дээ гэж их асууж байна.

Аймаг, нийслэл, сум, дүүргийн Иргэдийн Төлөөлөгчдийн Хурлын сонгуулийн тухай хуульд тойрогт ногдох мандатын тооноос илүү тэмдэглэсэн саналын хуудсыг хүчингүйд тооцохоор зохицуулсан. Өөрөөр хэлбэл, сонгогч тухайн тойрогт ногдох мандатын тооноос илүүгүй саналыг тэмдэглэх бөгөөд мандатын тоог дээд хязгаар гэж ойлгоод дутуу тэмдэглэж болно гэсэн үг. Улсын Их Хурлын сонгууль ойрмогхон болж өнгөрсөн тул мандатын тоотой тэнцүү санал өгч байснаа бодоод сонгогчид эргэлзээд байх шиг байна.