#CS2 The MongolZ "IEM Rio 2024" тэмцээний хасагдах шатанд Туркийн Eternal Fire-аас хариугаа авч нутаг буцаалаа.

ESL (Electronic Sports League)-ээс зохиодог CS2 (Counter Strike 2)-ын хамгийн том тэмцээнүүдийн нэг "Intel Extreme Masters Rio 2024" үргэлжилж байна.

250 мянган ам.долларын шагналын сантай тэмцээнд Монголын "The MongolZ" дэлхийн шилдэг 16 багийн нэг болон өрсөлдөж байна.

Буянбатын "maaRaa" Эрдэнэдалайгаар удирдуулсан баг хасагдах шатанд Туркийн "Eternal Fire"-тай тоглож 2-1 (Anubis 13-2, Mirage 8-13, Inferno 13-5) харьцаагаар хожлоо.

• Монголын гурван баг ESL Challenger League-ын playoffs-т шалгарлаа
• Б.Эрдэнэдалай "maaRaa"-н залуус Team Vitality-д гурав дахь удаа хожигдлоо
• The MongolZ анх удаа Virtus.pro-г хожлоо

Тоглолтод Мөнхболдын 'Senzu" Азбаяр 102.4 ADR (Average Damage Per Round)-тай багаа тэргүүлж тоглолтын шилдгээр нэрлэгдэв.

Хоёр баг он гарснаас хойш хоорондоо дөрвөн тэмцээний хүрээнд 9 map тоглоход Туркийн баг 5-д нь хожоод байгаа юм. Тэд хамгийн сүүлд "ESL Pro League Season 20" тэмцээний playoffs-т таарахад 2-1 (Mirage 13-16, Anubis 13-9, Inferno 13-11) харьцаагаар Измайлкан "XANTARES" Дорткардегийн баг ялсан билээ.

The MongolZ үргэлжлүүлэн 03:00 цагаас playoffs-ын эрхийн төлөө Оросын "Virtus.pro" багтай тоглоно. Хоёр баг энэ тэмцээний нээлтийн тоглолтод таарахад Mirage-д 13-10 харьцаагаар The MongolZ ялсан билээ.