Их зохиолч Дашдоржийн Нацагдоржийн мэндэлсний 110 жил, Улсын драмын эрдмийн театрыг үүсгэн байгуулсны 85 жилийн ойн хүрээнд УДЭТ-т их зохиолчийн амьдралын замналыг харуулсан "Монгол ардын суут" гэрэл зургийн үзэсгэлэн гаргажээ.

Их зохиолч ахархан амьдралдаа хэчнээн ихийг бүтээн туурвиж, оюуны их сан хөмрөг, өвийг  хойч үе ирээдүйдээ үлдээснийг бид мэдэх билээ. Энэхүү гэрэл зургийн үзэсгэлэнг түүний хийж байсан ажил, төр нийгэмд зүтгэж байсан цаг үе, бүтээсэн их үйл хэрэг хийгээд уран бүтээлийн зохиол туурвилаар нь сэдэвлэн гаргасан байна.

Гэрэл зургуудыг

• Нам төрийн зүтгэлтэн
• Шинжлэх ухааны ууган зүтгэлтэн
• Шинэ үеийн утга зохиолыг үндэслэгч
• Сэтгүүлч
• Орчуулагч
• Ленинградад
• Сэтгэлийн амраг
• Зохиол бүтээлээс
• Хэлмэгдсэн нь
• Д.Нацагдоржийн дүр урлагт зэрэг төрөлжүүлэн гаргажээ.