“Улаанбаатар төмөр зам” ХНН-ийн ерөнхий хороо буюу ТУЗ хуралдаж төмөр замын удирдлагын асуудлыг эцэслэн шийджээ. Тодруулбал УБТЗ-ын удирдлагад нэр нь яригдаж байсан Х.Хэрлэнг томилжээ. Тэрбээр өнөөдөр шинэ ажлаа хүлээн авч байна. 

УБТЗ-ын шинэ даргын намтар, хөрөнгө орлогын мэдүүлгийг хүргэж байна.

Х.Хэрлэн нь 1967 онд Хэнтий аймагт төрсөн.

Эзэмшсэн боловсрол:

• 1975-1985 онд Хэнтий аймгийн Өндөрхаан хотын ерөнхий боловсролын сургууль 
• 1985-1991 онд Политехникийн Дээд сургуулийг барилгын инженер мэргэжлээр  
• 1999-2001 онд МУИС-ийн  ХЗДС-ийг Эрх зүйч мэргэжлээр тус тус суралцаж төгссөн. Техникийн Ухааны магистр зэрэгтэй.

Ажилласан байдал:

• 1991-1992 онд Барилгын зургийн институтэд Зургийн техникч
• 1995-1999 онд “Үлэмж” ХХК-ийн Дэд захирал
• 2000-2006 онд АМХЭГ-ын Геологи Уул Уурхайн Кадастрын албаны дарга
• 2006-2007 онд Үйлдвэр Худалдааны Яамны Хөнгөн үйлдвэрийн газрын Орлогч дарга
• 2008-2010 онд  “Эйч ти эм” ХХК-ийн Захирал
• 2010-2012 онд ТӨХ-ны Төрийн өмчийн удирдлага, хувьчлалын газрын дарга 
• 2012-2016 онд “Эйч ти эм” ХХК-ийн Захирал
• 2016-2017 оны “Монголын Төмөр Зам”  ТӨХК-ийн Гүйцэтгэх захирал
• 2017-2021 Засгийн Газрын Хэрэгжүүлэгч Агентлаг Ашигт малтмал газрын тосны газрын дарга

Харин хамгийн сүүлд буюу 2020 онд Авлигатай тэмцэх газар мэдүүлсэн хөрөнгө орлогын мэдүүлгийг хүргэвэл 

• Өөрийн орлого: 1 тэрбум 401 сая төгрөг 
• Гэр бүлийн орлого: 25 сая төгрөг 
• Орон сууц, барилга байгууламж: 2 тэрбум 592 сая төгрөгийн үнэлгээ бүхий 2 нийтийн орон сууц, 1 оффисын байгууламж, 1 авто зогсоол 
• Тээврийн хэрэгсэл: 430 сая төгрөгийн үнэ бүхий Land Rover, Range Rover-тээврийн хэрэгсэл  
• Үнэт эдлэл, урлаг, түүхийн үнэт зүйл​: 425 сая
• Хадгаламж: 1 тэрбум 182 сая төгрөг 
• Компани нөхөрлөл, хоршоонд оруулсан хөрөнгө оруулалт: Эйч Ти Эм ХХК, Герман цонх ХХК, Эрдэнэс таван толгой ХК, Эрдэнэс таван толгой ХК