#CS2 Энэтхэгт эхэлж буй $300,000 шагналын сантай тэмцээнд Монголын "The MongolZ" баг урилгаар оролцож байна.

300 мянган ам.долларын шагналын сантай CS2-ын "Skyesports Championship 2024" тэмцээн өнөөдөр Энэтхэгийн Мумбай хотод эхэлнэ. Энэхүү тэмцээнд Монголын "The MongolZ" баг урилгаар оролцож байна.

Таван өдрийн турш болох тэмцээнд Ази, Европын 12 баг оролцож байгаа дунд Оросын "BetBoom Team", "Aurora Gaming", Туркийн "Eternal Fire", Финландын "ENCE" зэрэг хүчирхэг багууд багтаж байна.

• The Mongolz Бразилын FURIA-д хожигдож 9-р байр эзэллээ
• NiKo, m0NESY нар электрон спортын их наадмаар The Mongolz-оос даагаа нэхлээ (gogo.mn)
• 48 дахь удаагийн ESL Challenger League-т Монголын зургаан баг оролцоно

The MongolZ тэмцээний "А" хэсэгт Aurora Gaming, Сингапурт төвтэй "BLEED Esports", ENCE, Оросын "PARIVISION", Энэтхэгийн "True Rippers Esports" багуудтай тоглоно.

Хэсгийн тоглолтууд BO1 журмаар болох бөгөөд хэсгээ тэргүүлсэн гурван баг Playoff-т шалгарна. Хэсгийн тэргүүн баг шууд хагас шигшээ шатанд тоглох эрхтэй болох бол удаах хоёр баг бусад хэсгийн багуудтай хагас шигшээгийн эрхийн төлөө тоглоно.

The MongolZ-ын хуваарь

• 07.23. 16:30 цаг. True Rippers Esports
• 07.23. 21:00 цаг. PARIVISION
• 07.24. 15:30 цаг. BLEED Esports
• 07.24. 18:30 цаг. ENCE
• 07.25. 16:30 цаг. Aurora Gaming

Тэмцээний ялагч 120 мянга, дэд байр 70 мянган ам.долларын шагнал авна.