Эрчим хүчний системийн тасралтгүй, найдвартай байдлыг хангахын тулд оргил ачааллын 17:00-22:00 цагийн хооронд энэ цагуудад заавал ашиглах шаардлагагүй цахилгаан хэрэгслүүдээ унтрааж, тогоо тохируулахыг ард иргэд, аж ахуйн нэгжүүдэд уриалж байна.

Эрчим хүчний системийн 2023.12.07-ноос 2023.12.13-ны өдрийн 7 хоногийн оргил ачааллаас харвал хамгийн их оргил ачаалал 2023.12.13-ны өдрийн 19.00 цагт 1547 МВт, хамгийн их импорт 2023.12.11-ний өдөр 306 МВт хүрсэн байна.

Өдрийн цайны завсарлагын нэг цагийн хугацаанд суурин компьютерыг унтрааснаар жилд 8900 төгрөг хэмнэнэ. Settings - Control panel - Power options - Turn off the display - 1 minutes тохиргоог хийснээр шаардлагагүй үед дэлгэцийг бүрэн унтрааж, компьютерын эрчим хүч зарцуулалтыг 40 хүртэл хувь бууруулах боломжтой.Танай байгууллага олон компьютертой бол тэр хэмжээгээр зардлаа бууруулна.

Улаанбаатар хотод идэвхтэй үйл ажиллагаа явуулж байгаа 72 орчим мянган аж ахуйн нэгж, байгууллагаар тооцвол улсын хэмжээнд жилд 6,408,000,000 төгрөгийг үр ашиггүй зарцуулдаг байна.

Эх сурвалж: Эрчим хүчний зохицуулах хороо