#Сагсанбөмбөг Хэсэг тус бүрийн эхний хоёр байрыг эзэлсэн багууд шигшээ шатанд шалгарсан бөгөөд "2025 Basketball Champions League Asia" тэмцээнд оролцох хоёр эрхийн төлөө тоглоно.

Сагсан бөмбөгийн Азийн аваргуудын лигийн Зүүн бүсийн урьдчилсан шатны тэмцээн буюу "BCL Asia East"-ийн хэсгийн шатны сүүлийн тоглолтууд Монгол улсад боллоо.

Тэмцээнд Монголын хоёр баг оролцсоноос "B" хэсэгт багтсан Үндэсний Дээд Лигийн аварга Хасын Хүлэгүүд баг нэг ч хожигдолгүй хэсгээ тэргүүлж шигшээ шатанд шалгарлаа.

Тэд Тайванийн "New Taipei Kings", Тайландын "Hi-Tech Basketball Club", Сингапурын "Adroit" багуудыг гэртээ болон талбайд нь тус тус хоёр удаа хожиж нийт 12 оноотой хэсгээ тэргүүлсэн юм.

• Азийн аваргуудын лигийн зургаан тоглолт Монголд болно
• Хүлэгүүд Азийн Аваргуудын лигт гурав дараалан хожлоо
• Монголын дөрвөн баг оролцох "Chengdu 2025" тэмцээн өнөөдөр эхэлнэ

Харин "А" хэсэгт багтсан Бишрэлт Металл баг 1 хожиж 5 хожигдон 7 оноотойгоор хэсгийн сүүлийн байраар тэмцээнээ дуусгав.

Хэсэг тус бүрийн эхний хоёр байрыг эзэлсэн багууд шигшээ шатанд шалгарсан бөгөөд "2025 Basketball Champions League Asia" тэмцээнд оролцох хоёр эрхийн төлөө тоглоно.

Уг эрхийн тэмцээн тавдугаар сарын 30-31-нд Улаанбаатар хот, M Bank Arena цэнгэлдэхэд болно.

Хүлэгүүдийн хувьд "А" хэсгийн дэд байр Индонезын "Pelita Jaya" багтай тоглоно. Хэрэв тэд хожвол зургаадугаар сард болох Азийн хамгийн шилдэг багуудын тэмцээнд өрсөлдөх юм.