#Сагсанбөмбөг BCL Asia East тэмцээний B хэсгийг гурван хожилтой тэргүүлж байна.

FIBA-аас зохиодог сагсан бөмбөгийн Азийн аваргуудын лигийн (BCL Asia) Зүүн бүсийн урьдчилсан шатны тэмцээн үргэлжилсээр байна.

Тэмцээний "B" хэсэгт багтсан, Монголын Үндэсний Дээд лигийн 2023-2024 оны улирлын аварга "Хасын Хүлэгүүд/Broncos" баг өчигдөр Тайландын "Hi-Tech Basketball Club"-ыг 63-59 харьцаагаар хожлоо.

Ийнхүү Хүлэгүүд гурван зочлон тоглолтдоо гурав хожиж хэсгээ тэргүүлж эхэллээ. Тэд эхний тоглолтдоо Тайванийн "New Taipei Kings" багийг, хоёр дахь тоглолтдоо Сингапурын "Adroit" багуудыг илүүрхсэн билээ.

• Монголын дөрвөн баг оролцох "Chengdu 2025" тэмцээн өнөөдөр эхэлнэ
• Бишрэлт Металл Тайванийн багт 105-66 харьцаагаар хожигдлоо
• Бишрэлт Металл баг Азийн аваргуудын лигийн гурав дахь тоглолтоо өнөөдөр хийнэ

Хүлэгүүд үлдсэн гурван тоглолтоо тавдугаар сарын 12-15-ны хооронд Монголдоо хийнэ.

Харин А хэсэгт Монголын Бишрэлт Металл баг 4 оноотой 4-р байрт бичигдэж байна.

Тэмцээний хэсэг тус бүрээс хоёр баг шигшээ шатанд шалгарч BCL Asia тэмцээнд оролцох хоёр эрхийн төлөө тоглоно.