• ESL Pro League-ын эрх олгох Challenger Jönköping тэмцээн эхэллээ
• Тэмцээнд Монголын The MongolZ баг оролцож байна
• Тэд хэсгээс гарахын төлөө тоглолтоо Team Falcons-той хийж хожигдлоо

ESL-ээс зохиодог CS2 (Counter-Strike 2)-ын хамгийн том лиг болох "ESL Pro League"-ын 20 дахь улирал есдүгээр сард Мальт улсад болно. Тус тэмцээний эрх олгох "ESL Challenger at DreamHack Summer 2024" тэмцээн Шведийн Йоншопин хотод үргэлжилж байна.

100 мянган ам.долларын шагналын сантай тэмцээний "А" хэсэгт багтсан Монголын "The MongolZ" баг гурав дахь тоглолтоо "Team Falcons"-той хийж 2-0 (Dust II 11-13, Mirage 9-13) харьцаагаар хожигдлоо.

The MongolZ эхний тоглолтоо Хойд Америкийн төлөөлөл "Party Astronauts" багийг Nuke-д 13-3 харьцаагаар хожсон ч хоёр дахь тоглолтдоо Оросын "Aurora Gaming" багт Nuke-д 13-10 харьцаагаар хожигдоод байсан юм.

• The Mongolz "YaLLa Compass 2024"-т түрүүлж 200 мянган ам.доллар авлаа
• The Mongolz дэлхийн аварга Astralis-ыг хожсоноор Гранд финалд шалгарлаа
• ATOX Esports анх удаа ESL Pro League-т оролцохоор боллоо

The MongolZ Саудын Арабын санхүүжилттэй Team Falcons багийг "ESL Pro League Season 19" тэмцээний үеэр хожиж байсан бол Team Falcons энэ удаа даагаа нэхлээ. Монголд болсон хамгийн өндөр шагналын сантай тэмцээн "Nomadic Masters", 400 мянган ам.долларын шагналын сантай "YaLLa Compass 2024" тэмцээнүүдэд түрүүлээд буй The MongolZ-ын амрах завдалгүй оролцож буй гурав дахь том тэмцээн нь энэ юм.

Тэд энэ тэмцээнд түрүүлбэл ESL Pro League-т орох эрхээ авах байсан ч дэлхийн чансаагаар эрхээ авах магадлалтай байна.