#CS2 Гантулгын "erkaSt" Эрдэнэцогтын дасгалжуулдаг Австралийн "FlyQuest" баг 100 мянган ам.долларын шагналын сантай "ESL Challenger at DreamHack Atlanta 2024" тэмцээнд түрүүлэх боломжит багуудын нэг юм.

ESL (Electronic Sports League)-ээс зохиодог CS2 (Counter Strike 2)-ын "ESL Pro League S21" тэмцээний эрх олгох 100 мянган ам.долларын шагналын сантай "ESL Challenger at DreamHack Atlanta 2024" тэмцээн өнөөдөр АНУ-ын Атланта хотод эхэлнэ.

Түрүүлсэн тохиолдолд CS2-ын хамгийн том лигүүдийн нэгд оролцох эрх болон 50 мянган ам.долларыг авах тэмцээнд монгол дасгалжуулагчтай Австралийн "FlyQuest" баг оролцож байна.

"M80", "BIG" зэрэг хүчирхэг найман хоёр хэсэгт хуваагдан тоглох бөгөөд Гантулгын "erkaSt" Эрдэнэцогтын баг "А" хэсэгт Оросын "BetBoom Team", Португалын "SAW", нутаг нэгт "Rooster" багуудтай тоглоно.

• АРАВДУГААР САРЫН СПОРТ: Жүдо, чөлөөт бөхийн залуучуудын ДАШТ болно
• The MongolZ Туркийн Eternal Fire-т хожигдож тэмцээнээ дуусгалаа
• The MongolZ Германы аваргуудыг ялснаар Туркийн аваргуудтай тоглохоор болов

Энэ оны гуравдугаар сараас хойш FlyQuest-ыг дасгалжуулж буй erkaSt-ын хувьд багийнхаа хамт түрүүлж, цом өргөх хамгийн боломжит тэмцээний нэг нь энэ юм. Учир нь тэмцээнд ирсэн багуудаас хамгийн өндөр чансаатай нь ESL чансаагаар 16-д бичигдэж буй "M80" юм. Харин FlyQuest 24-рт бичигдэж байна.

FlyQuest баг эхний тоглолтоо 22:30 цагаас BetBoom Team-тэй хийх ба хожвол үргэлжлүүлэн 04:10 цагаас тоглоно.

Хэсгийн эхний тоглолтууд BO1 журмаар болох бол шийдвэрлэх тоглолтууд BO3 журмаар болно. Хэсэг тус бүрээс хоёр баг playoffs-т шалгарч аваргын төлөө BO3 журмаар өрсөлдөнө.