#Valorant 50 мянган ам.долларын шагналын сантай "VALORANT Challengers 2025 Southeast Asia: Split 1" тэмцээн нь Монгол багуудын оролцож буй хамгийн том тэмцээн юм.

Riot Games-ээс зохиодог Зүүн Өмнөд Азийн "VALORANT Challengers" цувралын 2025 оны эхний тэмцээн энэ сарын 16-д эхэлнэ.

Онлайнаар болох тэмцээнд 12 баг тоглох бөгөөд Монголын "The MongolZ" баг оролцох эрхээ авлаа. Тэд тэмцээний эрхийн төлөөх Relegation шатанд Вьетнамын "Fancy United Esports", "Unicorn Cyber" багуудыг хожиж эрхээ авсан юм.

Тус шатанд Монголын "IHC ESPORTS" баг оролцсон ч Малайзын "Xipto Esports" багт хожигдож хасагдсан.

• СПОРТЫН ЦАГЛАВАР: 2025 оны нэгдүгээр сар
• The MongolZ зүүн Өмнөд Азийн "VALORANT Challengers" тэмцээний хоёрдугаар шатанд шалгарлаа
• VALORANT-ын Зүүн Өмнөд Азийн Challenger тэмцээнд Монголын гурван баг оролцоно

Хоёрдугаар сарын 16-ыг дуустал үргэлжлэх 50 мянган ам.долларын шагналын сантай "VALORANT Challengers 2025 Southeast Asia: Split 1" тэмцээн үндсэн хоёр шаттай.

Эхний шатанд багууд зургаагаар хоёр хэсэгт хуваагдан тойргийн системээр тоглох бөгөөд хэсэг тус бүрээс хамгийн өндөр оноо цуглуулсан гурван баг Playoffs-т шалгарна.

"А" хэсэгт багтсан The MongolZ-ын тоглолтын хуваарь:

• 2025.01.17. 19:00. The MongolZ - Ex-Disguised
• 2025.01.23. 19:00. The MongolZ - Xipto Esports
• 2025.01.28. 21:00. The MongolZ - NAOS Esports
• 2025.02.03. 19:00. The MongolZ - FULL SENSE
• 2025.02.06. 21:00. The MongolZ - RRQ Academy

Зүүн Өмнөд Азийн "VALORANT Challengers"-ийн 2024 оны гурав дахь тэмцээн буюу "Split 3"-т Монголын "Chinggis Warriors", "Team 123", The MongolZ" гэсэн гурван баг оролцоход The MongolZ 9-10-р байр эзэлж Relegation-д тоглох эрхээ хадгалсан юм.