#Valorant Riot Games-ээс албан ёсоор зохиодог Зүүн Өмнөд Азийн Challengers тэмцээнд анх удаа монгол багууд олноороо оролцож байна.

Riot Games-ээс зохиодог "VALORANT Challengers" цувралын Зүүн Өмнөд Азийн гурав дахь тэмцээн онлайнаар болно.

75 мянган ам.долларын шагналын сантай энэхүү "VALORANT Challengers 2024 Southeast Asia: Split 3" тэмцээнд Монголын "The MongolZ", "Chinggis Warriors", "123" гэсэн гурван баг оролцоно.

Нийт 18 баг баг оролцож буй тэмцээн гурван шатнаас бүрдэнэ. "Stage 1" буюу нэгдүгээр шатанд зургаан баг хоёр хэсэгт хуваагдан тоглоно.

"А" хэсэгт Chinggis Warriors баг Индонезын "The Overdogs", "Kadiliman Esports" багуудтай тоглох бол "В" хэсэгт The MongolZ баг Индонезын "IGNITE", "La Familia" багуудтай тоглоно.

Хэсэг тус бүрээс нэг баг "Stage 2" хоёрдугаар шатанд шалгарна. Хоёрдугаар шатанд "123" тэргүүтэй зургаан баг хүлээж байна.

Хоёрдугаар шатны найман баг мөн хоёр хэсэгт хуваагдан тоглох ба хэсэг тус бүрээс хамгийн өндөр оноотой хоёр баг "Stage 3" буюу гуравдугаар шат руу шалгарна.

123 багийн хувьд Хоёрдугаар шатны "А" хэсэгт Тайландын "FULL SENSE", Филиппиний "ZOL Esports" багуудтай тоглоно.

Гуравдугаар шатанд өмнөх Challenger тэмцээний шилдэг зургаан баг мөн хүлээж байна.

Монгол багуудын тоглолтын хуваарь:

• 10.25. 19:00. Chinggis Warriors - The Overdogs
• 10.25. 21:00. The MongolZ - La Familia
• 10.26. 19:00. Chinggis Warriors - Kadiliman Esports
• 10.26. 21:00. The MongolZ - IGNITE
• 10.29. 19:00. 123 - FULL SENSE

Уг тэмцээнд оролцох эрхийг, Нэгдүгээр шатанд шалгарсан монгол багууд "Premier E9: A1" тэмцээнээс эрхээ авсан бол 123 баг "VALORANT Challengers 2024 Hong Kong and Taiwan: Split 2" тэмцээнээс эрхээ авчээ.