УИХ-ын дарга Г.Занданшатар сүүлийн үед “Япон лугаа адил хөгжье” гэсэн санал санаачлагыг ихээр хэлж, уриалах болсон.
Тэрбээр МАН-ын 100 жилийн ойн баярыг тохиолдуулан мэндчилгээ дэвшүүлэх үеэрээ “Өнгөрсөн 30 жилд Монгол Улсад үндэсний үйлдвэрлэл уналтад орж, уул уурхайгаас хэт хамааралтай эдийн засагтай, өөр хоорондоо уялдаагүй олон бодлого загварыг гаднаас хуулбарлаж хэрэгжүүлсэн нь тогтолцоо болж төлөвшсөнгүй, идээшиж нутагшсангүй. Тиймээс зуун жилийн тэртээ Эх орончдын маань дэвшүүлсэн “Швейцар лугаа хөгжих” үзэл баримтлалыг ирэх шинэ зуунд “Япон лугаа хөгжье” хэмээн шинэчлэн томьёолмоор байна” гэж мэдэгдсэн.
Үүнээс хойш Япон лугаа адил хөгжих төлөвлөгөө бүхий ганган, чамин, хээнцэр бичвэр, бичлэгүүдийг өөрийн албан ёсны цахим хуудаснаа үе үе “постлох” болсон.
УИХ-ын гишүүн Ц.Анандбазарын асуудал, согтуугаар жолоо барьж зам тээврийн ноцтой осол гаргасан УИХ-ын гишүүн Б.Пүрэвдорж, ардын хүүхдийн боломжийг ”хулгайлсан” С.Амарсайхан сайдын үйлдэл.
Тэгвэл эхлээд япон хүмүүс шиг хариуцлага хүлээж сурцгаая Г.Занданшатар дарга аа. Тэгвэл бид хөгжинө.
Японд парламентын гишүүн нь эмэгтэй хүн рүү удаан ширтсэн, гэр бүлээс гадуурх харилцаа үүсгэсэн, иргэдэд буруу мэдээлэл өгснийхөө төлөө гэх мэт нэг л удаа алдаа гаргасан бол ёс зүйн хариуцлага хүлээж огцордог жишиг тогтчихсон. Ийм тохиолдлыг бид Япон улсын жишээнээс тодхон харж болно.
Хамгийн сүүлд гэхэд Японы олимпын хорооны дарга Ёширо Мори хүйсээр ялгаварлан гадуурхсан гэх шалтгаанаар албан тушаалаасаа огцорсон. Тодруулбал тэрбээр хурлын үеэр "Эмэгтэйчүүд хэтэрхий их ярьдаг. Тиймээс эмэгтэй зөвлөлийн дарга нартай уулзахад хэтэрхий их цаг шаардагдана" гэж хэлсэн. Түүний хэлсэн үг япончуудын дургүйцлийг хүргэж, цахим орчинд маш хүчтэй эсэргүүцэл илэрхийлсэн. Үүний дараа Ёширо Мори олон нийтийн сэтгэл санааг үймүүлсэндээ уучлал хүсэж, албан тушаалаасаа өөрийн хүсэлтээр огцорсон юм.
Гэтэл манай улсад бүх юм эсрэгээрээ. УИХ-ын гишүүн нь согтуугаар жолоо барих, хүчингийн асуудалд холбогдож, ЖДҮ-ээс олноороо зээл авсан зэрэг асуудал өнөөдөр ч хуулийн байгууллагаар эцэслэгдээгүй. Гишүүд нь худлаа хэлснийхээ төлөө, хулгай, хүчин хийснийхээ төлөө хариуцлага хүлээдэггүй, хариуцлагагүй байдлаар нь жагсаадаг бол Монгол тэргүүлнэ үү гэхээр сүүлдэхгүй.
Өнөөдөр ард түмнээс сонгогдсон УИХ-ын гишүүд эгүүлэн татагдах хэмжээний ёс зүйгүй асуудал үүсгэж байгааг УИХ-ын дарга маань мэдэж л баймаар.
УИХ-ын гишүүн Ц.Анандбазарын асуудал, согтуугаар жолоо барьж зам тээврийн ноцтой осол гаргасан УИХ-ын гишүүн Б.Пүрэвдорж, ардын хүүхдийн боломжийг ”хулгайлсан” С.Амарсайхан сайдын үйлдэл. Энэ бол зөвхөн сүүлийн үед цахим ертөнцөөр олны анхаарлын төвд өртсөн сэдвүүд.
Үүнээс өмнө нь ЖДҮХС, Боловсролын зээлийн сан, НДСан зэрэг нийтийн сайны төлөө байгуулсан сангуудаас бусдын боломжийн өмнүүр орсноо юман чинээ санадаггүй, бидний шүүмжийг өнгөцхөн харж "мөнгийг чинь буцаагаад өгчихвөл болоо юм биш үү" гэсэн хандлага гаргадаг төрийн түшээд зөндөө бий.
УИХ-ын тухай хуульд заасны дагуу УИХ-ын дарга дараах бүрэн эрхүүдийг эдэлнэ.
- 14.3.Нам, эвслийн бүлэг, Байнгын хороодын үйл ажиллагаа, Улсын Их Хурлын хяналт шалгалтын ажлыг уялдуулан зохицуулах, нам, эвслийн бүлэг, Байнгын хороодын саналыг харгалзан ээлжит болон ээлжит бус чуулганаар хэлэлцэх асуудлын дараалал тогтоох, тухайн долоо хоногт чуулганы хуралдаанаар хэлэлцэх асуудлын тов, дараалал, Улсын Их Хурлын төсөв болон Улсын Их Хурлын дотоод үйл ажиллагаатай холбогдолтой бусад асуудлыг зөвшилцөх чиг үүрэг бүхий Зөвлөл Улсын Их Хурлын даргын дэргэд ажиллана.
- 14.4.Зөвлөлийн бүрэлдэхүүнд Улсын Их Хурлын дарга, дэд дарга, нам, эвслийн бүлгийн дарга, Байнгын хороодын дарга, Улсын Их Хурлын Ерөнхий нарийн бичгийн дарга орно. Шаардлагатай бол Зөвлөлийн хурлыг өргөтгөсөн бүрэлдэхүүнтэй хийж болно.
Хуульд заасны дагуу танд ийм эрхүүд бий. УИХ-ын даргын хувьд Ёс зүйн байнгын хороог шуурхай хуралдуулж, ёс зүйгүй үйлдэл гаргасан гишүүдийн асуудлыг авч хэлэлцэж, арга хэмжээ авах нь Япон лугаа адил хөгжих эхний алхам болно.
УИХ-ын дарга Г.Занданшатар сүүлийн үед “Япон лугаа адил хөгжье” гэсэн санал санаачлагыг ихээр хэлж, уриалах болсон.
Тэрбээр МАН-ын 100 жилийн ойн баярыг тохиолдуулан мэндчилгээ дэвшүүлэх үеэрээ “Өнгөрсөн 30 жилд Монгол Улсад үндэсний үйлдвэрлэл уналтад орж, уул уурхайгаас хэт хамааралтай эдийн засагтай, өөр хоорондоо уялдаагүй олон бодлого загварыг гаднаас хуулбарлаж хэрэгжүүлсэн нь тогтолцоо болж төлөвшсөнгүй, идээшиж нутагшсангүй. Тиймээс зуун жилийн тэртээ Эх орончдын маань дэвшүүлсэн “Швейцар лугаа хөгжих” үзэл баримтлалыг ирэх шинэ зуунд “Япон лугаа хөгжье” хэмээн шинэчлэн томьёолмоор байна” гэж мэдэгдсэн.
Үүнээс хойш Япон лугаа адил хөгжих төлөвлөгөө бүхий ганган, чамин, хээнцэр бичвэр, бичлэгүүдийг өөрийн албан ёсны цахим хуудаснаа үе үе “постлох” болсон.
УИХ-ын гишүүн Ц.Анандбазарын асуудал, согтуугаар жолоо барьж зам тээврийн ноцтой осол гаргасан УИХ-ын гишүүн Б.Пүрэвдорж, ардын хүүхдийн боломжийг ”хулгайлсан” С.Амарсайхан сайдын үйлдэл.
Тэгвэл эхлээд япон хүмүүс шиг хариуцлага хүлээж сурцгаая Г.Занданшатар дарга аа. Тэгвэл бид хөгжинө.
Японд парламентын гишүүн нь эмэгтэй хүн рүү удаан ширтсэн, гэр бүлээс гадуурх харилцаа үүсгэсэн, иргэдэд буруу мэдээлэл өгснийхөө төлөө гэх мэт нэг л удаа алдаа гаргасан бол ёс зүйн хариуцлага хүлээж огцордог жишиг тогтчихсон. Ийм тохиолдлыг бид Япон улсын жишээнээс тодхон харж болно.
Хамгийн сүүлд гэхэд Японы олимпын хорооны дарга Ёширо Мори хүйсээр ялгаварлан гадуурхсан гэх шалтгаанаар албан тушаалаасаа огцорсон. Тодруулбал тэрбээр хурлын үеэр "Эмэгтэйчүүд хэтэрхий их ярьдаг. Тиймээс эмэгтэй зөвлөлийн дарга нартай уулзахад хэтэрхий их цаг шаардагдана" гэж хэлсэн. Түүний хэлсэн үг япончуудын дургүйцлийг хүргэж, цахим орчинд маш хүчтэй эсэргүүцэл илэрхийлсэн. Үүний дараа Ёширо Мори олон нийтийн сэтгэл санааг үймүүлсэндээ уучлал хүсэж, албан тушаалаасаа өөрийн хүсэлтээр огцорсон юм.
Гэтэл манай улсад бүх юм эсрэгээрээ. УИХ-ын гишүүн нь согтуугаар жолоо барих, хүчингийн асуудалд холбогдож, ЖДҮ-ээс олноороо зээл авсан зэрэг асуудал өнөөдөр ч хуулийн байгууллагаар эцэслэгдээгүй. Гишүүд нь худлаа хэлснийхээ төлөө, хулгай, хүчин хийснийхээ төлөө хариуцлага хүлээдэггүй, хариуцлагагүй байдлаар нь жагсаадаг бол Монгол тэргүүлнэ үү гэхээр сүүлдэхгүй.
Өнөөдөр ард түмнээс сонгогдсон УИХ-ын гишүүд эгүүлэн татагдах хэмжээний ёс зүйгүй асуудал үүсгэж байгааг УИХ-ын дарга маань мэдэж л баймаар.
УИХ-ын гишүүн Ц.Анандбазарын асуудал, согтуугаар жолоо барьж зам тээврийн ноцтой осол гаргасан УИХ-ын гишүүн Б.Пүрэвдорж, ардын хүүхдийн боломжийг ”хулгайлсан” С.Амарсайхан сайдын үйлдэл. Энэ бол зөвхөн сүүлийн үед цахим ертөнцөөр олны анхаарлын төвд өртсөн сэдвүүд.
Үүнээс өмнө нь ЖДҮХС, Боловсролын зээлийн сан, НДСан зэрэг нийтийн сайны төлөө байгуулсан сангуудаас бусдын боломжийн өмнүүр орсноо юман чинээ санадаггүй, бидний шүүмжийг өнгөцхөн харж "мөнгийг чинь буцаагаад өгчихвөл болоо юм биш үү" гэсэн хандлага гаргадаг төрийн түшээд зөндөө бий.
УИХ-ын тухай хуульд заасны дагуу УИХ-ын дарга дараах бүрэн эрхүүдийг эдэлнэ.
- 14.3.Нам, эвслийн бүлэг, Байнгын хороодын үйл ажиллагаа, Улсын Их Хурлын хяналт шалгалтын ажлыг уялдуулан зохицуулах, нам, эвслийн бүлэг, Байнгын хороодын саналыг харгалзан ээлжит болон ээлжит бус чуулганаар хэлэлцэх асуудлын дараалал тогтоох, тухайн долоо хоногт чуулганы хуралдаанаар хэлэлцэх асуудлын тов, дараалал, Улсын Их Хурлын төсөв болон Улсын Их Хурлын дотоод үйл ажиллагаатай холбогдолтой бусад асуудлыг зөвшилцөх чиг үүрэг бүхий Зөвлөл Улсын Их Хурлын даргын дэргэд ажиллана.
- 14.4.Зөвлөлийн бүрэлдэхүүнд Улсын Их Хурлын дарга, дэд дарга, нам, эвслийн бүлгийн дарга, Байнгын хороодын дарга, Улсын Их Хурлын Ерөнхий нарийн бичгийн дарга орно. Шаардлагатай бол Зөвлөлийн хурлыг өргөтгөсөн бүрэлдэхүүнтэй хийж болно.
Хуульд заасны дагуу танд ийм эрхүүд бий. УИХ-ын даргын хувьд Ёс зүйн байнгын хороог шуурхай хуралдуулж, ёс зүйгүй үйлдэл гаргасан гишүүдийн асуудлыг авч хэлэлцэж, арга хэмжээ авах нь Япон лугаа адил хөгжих эхний алхам болно.