• 3x3 сагсан бөмбөгийн өсвөрийн буюу 18 хүртэлх насны ДАШТ болж байна
• Тэмцээнд оролцож буй Монголын эмэгтэй шигшээ баг шөвгийн наймд шалгарлаа

3x3 сагсан бөмбөгийн өсвөрийн буюу 18 хүртэлх насны дэлхийн аварга шалгаруулах тэмцээн Унгарын Дебрецен хотод үргэлжилж байна.

Тэмцээний гурав дахь өдөр Монголын эмэгтэй шигшээ баг хэсгийн сүүлийн тоглолтуудаа хийсэн бөгөөд D хэсгийн хоёрдугаар байр шөвгийн наймд шалгарлаа.

Эхний өдөр Тайвань, Малайзын шигшээ багуудыг хожоод байсан өсвөрийн охид өчигдөр Тайландыг хожиж Польшид хожигдсоноор D хэсэгт гурван хожилтой хоёрдугаар байр эзэлсэн юм. Тус хэсгийн тэргүүн байраар Польшийн шигшээ баг хасагдах шатанд шалгарсан.

• 3х3-ын өсвөрийн эмэгтэй баг хэсгийн эхний хоёр тоглолтдоо хожлоо
• ЕСДҮГЭЭР САРЫН СПОРТ: Чөлөөт бөх, хүндийн өргөлтийн ДАШТ
• "Ulaanbaatar MMC Energy" баг Чэндугийн их дуулгад оролцох эрхээ авлаа

A болон C хэсгийн сүүлийн тоглолтууд өнөөдөр болсноор шөвгийн наймын учраа бүрдэж дуусна. Монголын шигшээ багийн хувьд B хэсгийн нэгдүгээр байр АНУ-тай тоглохоор болсон юм.

Харин Монголын эрэгтэй шигшээ баг эхний өдөр Катарын шигшээ багт хожигдсон бөгөөд Ардчилсон Конго улстай тоглолгүй оноогоо авсан. Тэд өнөөдөр хэсгийг тэргүүлэгч Герман болон Тунисийн шигшээ багтай тоглоно. Хэрэв шөвгийн наймд шалгарахыг хүсвэл тус хоёр тоглолтод заавал хожих шаардлагатай юм.

Шигшээ баг 20:25 цагаас Тунис, 21:55 цагаас Германтай тоглоно.