• 3x3-ын U18 насны дэлхийн аварга шалгаруулах тэмцээн эхэллээ
• Тэмцээний эхний өдөр Монголын эмэгтэй шигшээ баг хоёр хожлоо

3x3 сагсан бөмбөгийн өсвөрийн буюу 18 хүртэлх насны дэлхийн аварга шалгаруулах тэмцээн Унгарын Дебрецен хотод эхэллээ. Тэмцээний эхний өдөр Монголын эмэгтэй шигшээ баг хоёр хожив.

Тодруулбал, эмэгтэй шигшээ баг эхний тоглолтоо Малайзын шигшээ багтай хийж 14-11 харьцаагаар хожсон байна. Батцоожийн Болорцэцэг 6 оноо авч багаа тэргүүлжээ.

Харин хоёр дахь тоглолтоо Тайванийн шигшээ багтай хийсэн бөгөөд 16-14 харьцаагаар хожиход Нямжавын Нандинхүсэл 10 оноо авсан байна.

• ЕСДҮГЭЭР САРЫН СПОРТ: Чөлөөт бөх, хүндийн өргөлтийн ДАШТ
• "Ulaanbaatar MMC Energy" баг Чэндугийн их дуулгад оролцох эрхээ авлаа
• Зүүн Азийн залуучуудын наадамд манай улс медалийн тоогоор тавд жагсаж байна

Эмэгтэй шигшээ баг хэсгийн сүүлийн хоёр тоглолтоо 9-р сарын 1-д Тайланд болон Польшийн шигшээ багийн эсрэг хийж хэсгээс гарах эсэхээ шийдэх юм.

Харин өнөөдөр буюу 8-р сарын 31-д Монголын эрэгтэй шигшээ баг хэсгийн эхний хоёр тоглолтоо хийнэ. Тэд Катар, Ардчилсан Конго улсын шигшээ багуудтай тоглох бөгөөд нэг өдөр өнжөөд Тунис, Германы багуудтай тоглох хуваарьтай.

Эмэгтэй багийн бүрэлдэхүүн: Батсүрэнгийн Номин, Батцоожийн Болорцэцэг, Гансүрэнгийн Энхжин, Нямжавын Нандинхүсэл

Эрэгтэй багийн бүрэлдэхүүн: Алтангэрэлийн Азбаяр, Эрдэнэцогтын Ирмүүн, Хүрэлбаатарын Оргил, Төмөрийн Тэмүүлэн