Цагдан хорих 461 дүгээр ангид хоригдож байсан иргэн Б.О 2024 оны 07 дугаар сарын 22-ны өдөр П.Н.Шастины нэрэмжит III эмнэлэгт хүргэгдэн ирж, нас барсан.
Хүний эрхийн үндэсний комиссоос эрүү шүүлт, хэрцгий, хүнлэг бус харьцаа, хүний амь насыг хамгаалах үүргээ төрийн албан хаагч биелүүлээгүйн улмаас иргэн Б.О амь насаа алдсан эсэхийг тогтоох ажиллагааг эхлүүлжээ. Энэ хүрээнд 7 дугаар сарын 24, 25-ны өдрүүдэд Цагдаагийн ерөнхий газар, Прокурорын байгууллага, Шүүхийн шийдвэр гүйцэтгэх байгууллагаас албан тайлбар авч, Цагдан хорих 461 дүгээр ангид ажилласан байна.
Энэ талаар өнөөдөр сэтгүүлчдэд мэдээлэл өглөө.
ХЭҮК-ын Гомдол, хяналт шалгалтын хэлтсийн дарга Г.Ууганбаатар “Иргэн О долоодугаар сарын 11-ний өдрөөс хэвлийгээр өвдөж байна гэсэн өгүүлэмжтэйгээр ангийн эмнэлэгт хандсан. Ингээд долоодугаар сарын 13-ны өдөр хорих байр руу шилжжээ. Камерын бичлэгт үзлэг хийхэд иргэн долоодугаар сарын 22-ны өдрийн 16:30 цагт хорих өрөөний ариун цэврийн өрөөнд бие засаж байхдаа уналт, таталт өгч байна. Ингээд яаралтай тусламжийн 103 дугаарт дуудлага өгч, эмч ирж анхны тусламж үзүүлээд Улсын гуравдугаар төв эмнэлэгт иргэнийг хүргэжээ. Эмнэлгийн тусламж, үйлчилгээг үзүүлсэн боловч иргэн харамсалтайгаар нас барсан байна.
Иргэнийг хуяглан хүргэлтээр эмнэлэгт хүргэсэн. Эмчилгээний туршид хоёр албан хаагч хянаж байсан. Тэд иргэнийг эмнэлгийн тусламж, үйлчилгээ авч байх хугацаанд 50 минутын турш гав хэрэглэсэн гэж хэлж байгаа. Тодорхой хугацаанд гав хэрэглэснээ хүлээн зөвшөөрсөн. Үүнийг иргэн О өөрийн амь нас, эрүүл мэндэд эрсдэл учруулж болзошгүй байсан тул гав хэрэглэсэн гэж тайлбарлаж байгаа” гэв.
ХЭҮК-ын дарга Д.Сүнжид “Төрийн албан хаагчийн буруутай үйлдлээс болж хэний ч амь нас хохирох ёсгүй. Хэрэв албан хаагч буруутай нь тогтоогдвол хуулийн дагуу хариуцлага тооцох ёстой. Комисс ийм байр суурьтай байгаа” гэв.
ХЭҮК-ын гишүүн Г.Нарантуяа “Хулгайн гэмт хэрэгт холбогдон шалгагдаж байсан залуу нас барсан. Төрийн албан хаагчийн буруутай үйл явдлаас болсон гэдэг мэдээлэл тархсан. ХЭҮК шуурхай шалгалт явуулсан. Ийм үйл явдал яагаад гараад байна вэ, тогтолцооны хувьд цаашид юуг анхаарах ёстой вэ, үүнд төрийн албан хаагчийн буруутай үйл явдлаас болсон уу гэдгийг ХЭҮК нягтлан, шалгаж байна. Хүний эмзэг мэдээллийг олонд дэлгэж байгаа асуудлыг зогсоох ёстой” гэлээ.
Цагдан хорих 461 дүгээр ангид хоригдож байсан иргэн Б.О 2024 оны 07 дугаар сарын 22-ны өдөр П.Н.Шастины нэрэмжит III эмнэлэгт хүргэгдэн ирж, нас барсан.
Хүний эрхийн үндэсний комиссоос эрүү шүүлт, хэрцгий, хүнлэг бус харьцаа, хүний амь насыг хамгаалах үүргээ төрийн албан хаагч биелүүлээгүйн улмаас иргэн Б.О амь насаа алдсан эсэхийг тогтоох ажиллагааг эхлүүлжээ. Энэ хүрээнд 7 дугаар сарын 24, 25-ны өдрүүдэд Цагдаагийн ерөнхий газар, Прокурорын байгууллага, Шүүхийн шийдвэр гүйцэтгэх байгууллагаас албан тайлбар авч, Цагдан хорих 461 дүгээр ангид ажилласан байна.
Энэ талаар өнөөдөр сэтгүүлчдэд мэдээлэл өглөө.
ХЭҮК-ын Гомдол, хяналт шалгалтын хэлтсийн дарга Г.Ууганбаатар “Иргэн О долоодугаар сарын 11-ний өдрөөс хэвлийгээр өвдөж байна гэсэн өгүүлэмжтэйгээр ангийн эмнэлэгт хандсан. Ингээд долоодугаар сарын 13-ны өдөр хорих байр руу шилжжээ. Камерын бичлэгт үзлэг хийхэд иргэн долоодугаар сарын 22-ны өдрийн 16:30 цагт хорих өрөөний ариун цэврийн өрөөнд бие засаж байхдаа уналт, таталт өгч байна. Ингээд яаралтай тусламжийн 103 дугаарт дуудлага өгч, эмч ирж анхны тусламж үзүүлээд Улсын гуравдугаар төв эмнэлэгт иргэнийг хүргэжээ. Эмнэлгийн тусламж, үйлчилгээг үзүүлсэн боловч иргэн харамсалтайгаар нас барсан байна.
Иргэнийг хуяглан хүргэлтээр эмнэлэгт хүргэсэн. Эмчилгээний туршид хоёр албан хаагч хянаж байсан. Тэд иргэнийг эмнэлгийн тусламж, үйлчилгээ авч байх хугацаанд 50 минутын турш гав хэрэглэсэн гэж хэлж байгаа. Тодорхой хугацаанд гав хэрэглэснээ хүлээн зөвшөөрсөн. Үүнийг иргэн О өөрийн амь нас, эрүүл мэндэд эрсдэл учруулж болзошгүй байсан тул гав хэрэглэсэн гэж тайлбарлаж байгаа” гэв.
ХЭҮК-ын дарга Д.Сүнжид “Төрийн албан хаагчийн буруутай үйлдлээс болж хэний ч амь нас хохирох ёсгүй. Хэрэв албан хаагч буруутай нь тогтоогдвол хуулийн дагуу хариуцлага тооцох ёстой. Комисс ийм байр суурьтай байгаа” гэв.
ХЭҮК-ын гишүүн Г.Нарантуяа “Хулгайн гэмт хэрэгт холбогдон шалгагдаж байсан залуу нас барсан. Төрийн албан хаагчийн буруутай үйл явдлаас болсон гэдэг мэдээлэл тархсан. ХЭҮК шуурхай шалгалт явуулсан. Ийм үйл явдал яагаад гараад байна вэ, тогтолцооны хувьд цаашид юуг анхаарах ёстой вэ, үүнд төрийн албан хаагчийн буруутай үйл явдлаас болсон уу гэдгийг ХЭҮК нягтлан, шалгаж байна. Хүний эмзэг мэдээллийг олонд дэлгэж байгаа асуудлыг зогсоох ёстой” гэлээ.