Сонгууль гэдэг бол тэр чигээрээ амлалт, сүртэй үгсийн цуглуулга шоу гэмээр. УИХ-ын сонгуульд нэр дэвшигчид өөр өөрсдийн цахим хуудаснаа сонгуулийн уриа, лоозон, амлалтаа хуваалцаж байгаатай та бишгүй таарсан байх. Арга ч үгүй биз нэр дэвшигчид өөрийн давуу талыг товчоор ойлгуулах, олонд эергээр танигдахын тулд уриа үгийг ашигладаг болохоор.

Нэр дэвшигчдийн уриа үг маш чухал. Сурталчилгаа хязгаарлагдмал энэ үед сонгогчдод хүргэх мессеж хамгийн чухал. Иймээс сурталчилгаанд ашигласан уриа үг богино, мартагдашгүй, зохицол бүхий үг хэллэг, өгүүлбэр байх ёстой.

Гэвч нэр дэвшигчид төгс төгөлдөр гэмээр уран гоё үг ашиглаж байгаа нь олны ярианы сэдэв болж байна. Цахим ертөнцөд хамгийн анхаарал татаж, яригдсан сонирхолтой уриа лоозонгийн дүр зургийг түүвэрлэн сонирхуулъя.