Улс, оронд өнгөрч буй долоо хоногт өрнөсөн онцлох үйл явдлуудыг тоймлон хүргэж байна.

ГАМШГААС ХАМГААЛАХ ӨНДӨРЖҮҮЛСЭН БЭЛЭН БАЙДЛЫН ЗЭРЭГТ ШИЛЖҮҮЛЭВ

Улсын хэмжээнд 508 мянган толгой мал хорогдсон, Сүхбаатар, Хэнтий, Дорноговь, Архангай, Дорнод зэрэг аймагт хорогдол ихтэй байна. Мал аж ахуйн салбарын өвөлжилт, хаваржилтын нөхцөл байдал хүндэрч байгаатай холбогдуулан Засгийн газрын хуралдаанаас Улсын хэмжээнд гамшгаас хамгаалах өндөржүүлсэн бэлэн байдлын зэрэгт шилжүүлэх шийдвэрийг гаргалаа. https://gogo.mn/r/ednem

СОГТУУ ЖОЛООЧ, ГЭМТСЭН ХҮНИЙ ТОО ӨМНӨХ САР ШИНИЙНХЭЭС БАГА БАЙВ

Сар шинийн баярын өдрүүдэд зам тээврийн осол өмнөх жилийнхээс буурсан үзүүлэлт гарчээ. Тухайлбал, 2023 оны сар шинийн баяраар зам тээврийн ослын улмаас 33 хүн  гэмтэж байсан бол 2024 онд 14 хүн гэмтэж, 57 хувиар буурсан байна. Мөн согтуугаар тээврийн хэрэгсэл жолоодсон 144 зөрчил илрүүлж байсан бол энэ жилийн сар шинийн баяраар 61 хүн согтуугаар автомашин жолоодож, энэ төрлийн зөрчил 57 хувиар буурчээ. https://gogo.mn/r/8wxlx

ХАЛИА, ТОШИН, ШАР УСНЫ ҮЕРЭЭС СЭРЭМЖИЛЬЕ

Улаанбаатар хотын хэмжээнд 33 байршилд халиа тошин үүсжээ.Тодруулбал, Баянзүрх дүүргийн 1, 2, 23 дугаар хороо, Сүхбаатар дүүргийн нэгдүгээр хороо, Сэлбэ гол дагуу үүссэн халиа тошин үүссэн.

Мөн Дэнжийн мянгын 1, 3 дугаар суваг, Толгойтын суваг, Сүхбаатар дүүргийн 14 дүгээр хорооны сувгуудад халиа тошингоос урьдчилан сэргийлэх ажлын хүрээнд нийт 3000 шоо метр суваг татан, далан босгож, гарсан 1200 шоо метр мөсийг зөөж шилжүүлжээ.

Түүнчлэн Гүнжийн булаг, Баянгол, Улиастай зэрэг голын сав дагуу халиа тошин үүссэн хэсгүүдэд тухайн дүүргийн онцгой байдлын алба, дүүргийн тохижилт үйлчилгээний хэлтсүүд суваг татах, далан хаалт босгох, мөсийг зөөж шилжүүлэх ажлыг  Геодези, усны барилга, байгууламжийн газар ОНӨААТҮГ-аас хийж байна. https://gogo.mn/media?id=vx5oy

ГЭГЭЭН ХАЙРЫН БАЯРЫН ӨДӨР БА ШИНИЙН ТАВАН

Жил бүрийн хоёрдугаар сарын 14-нд Гэгээн хайрын баярын өдөр тохиодог. Энэ өдөр энэ жил Монгол уламжлалт сар шинийн баярын өдрийн шинийн таванд тохиолоо. Энэ өдөр залуус дурлалт хосууддаа цэцэг, бялуу, дарс бэлэглэж, хайр сэтгэлээ дахин илэрхийлдэг. Энэ жил ч Улаанбаатарын гудамжаар сарнай тэвэрсэн охид, хөвгүүд олон байв. https://gogo.mn/r/lyn7y

ГИННЕССИЙН ДЭЭД АМЖИЛТЫН ЭЗЭД БОЛОВ

Ой тогтоолтын Simon тоглоомыг харахгүйгээр буюу нүдээ боож зөвхөн хөг сонсоод алдаагүй дарж тоглох төрөлд тамирчин С.Чингим 276 даралт (23 үе) алдаагүй санажээ.

Монголын оюун ухааны академийн захирал Х.Хатанбаатар 325 даралт (25 үе)-ыг тус тус алдаагүй санаснаар Гиннесийн дээд амжилтын эзэд болсон байна.

Даралт тус бүрийн хооронд ердөө таван секундын хугацаатай, энэ хугацаанд амжиж дараагүй бол ялагдах хатуу дүрэмтэй даалгаврыг тэд амжилттай гүйцэтгэжээ. https://gogo.mn/r/103jv

F4 КИНОНЫ ГОЛ ДҮРИЙН ЖҮЖИГЧИН, ДУУЧИН МОНГОЛД ИРЭВ

Эвандис энтертаймент байгууллагаас Солонгосын уран бүтээлчдийн тоглолтыг хоёрдугаар сарын 17-нд Монгол Улсад зохион байгуулахаар тов зарласан.

Тоглолтод оролцох уран бүтээлчид болох MC Sniper  болон Kim Hyun Joong, Bloo нар энэ сарын 15-ны 16:00 цагт Монгол Улсад Хөшигийн хөндийн "Чингис хаан" олон улсын нисэх буудалд газардсан. Тоглолт өнөөдөр буюу 2024 оны хоёрдугаар сарын 17-нд 18.00 цагт Буянт-Ухаа цогцолборт тоглолт болно. https://gogo.mn/r/3ekdw