• PUBG Mobile-ын дэлхийн аварга шалгаруулах тэмцээн үргэлжилж байна
• Тэмцээний шилдэг 16 баг тоглох Grand Final шатанд Монголын 3 баг тоглоно

PUBG Mobile-ын дэлхийн аварга шалгаруулах тэмцээн "PUBG Mobile Global Championship 2023" Туркийн Истанбул хотод болж байна.

Тэмцээний "Grand Final" буюу хамгийн шилдэг 16 баг өрсөлдөх шатанд Монголын гурван баг тоглохоор шалгараад байгаа юм.

Тодруулбал, Монголын "Stalwart Esports" болон "4Merical Vibes" багууд хэсгийн шатнаас финалын эрхээ авсан бол  "IHC Esports" баг "Last Chance" шатнаас эрхээ авсан.

• PUBG Mobile-ын дэлхийн аваргын финалд Монголын 3 баг тоглоно
• "NB Esports" дэлхийн аваргын хоёрдугаар шатанд шалгарлаа
• Монголын Stalwart Esports баг дэлхийн аваргын Гранд Финалд шалгарлаа

PMGC 2023-д Монголын дөрвөн баг оролцсон бөгөөд "NB Esports" баг Last Chance-ын өмнөх "Survival Stage" шатнаас тэмцээнээ өндөрлүүлсэн юм.

Финалын шат өнөөдөр /12.08/ 19:00 цагаас эхэлж гурван өдрийн турш үргэлжлэх бөгөөд өдөрт 6, нийт 18 удаа тоглож нэгдсэн дүнгээр ялагч тодорно.