• PUBG Mobile-ын дэлхийн аварга шалгаруулах тэмцээн үргэлжилж байна
• Монголын "Stalwart Esports" баг гранд финалд өрсөлдөх эрхээ авлаа.

PUBG Mobile-ын дэлхийн аварга шалгаруулах тэмцээн "PMGC 2023" Малайзын нийслэл Куала Лумпур хотод өнгөрсөн долоо хоногт эхэлсэн.

Тэмцээний "Ногоон" хэсгийн тоглолтууд өнгөрсөн шөнө дуусаж Монголын "Stalwart Esports" баг финалд өрсөлдөх эрхээ авлаа.

PMGC 2023 нийт дөрвөн шаттай. Эхний буюу "Group Stage" шатанд дэлхийн шилдэг 48 баг гурван хэсэгт хуваагдан тоглох бөгөөд Stalwart Esports баг "Ногоон" хэсэгт хуваарилагдсан юм.

Хэсгийн шатнаас хамгийн өндөр оноо авсан 3 баг хамгийн сүүлийн буюу "Grand Finals" шатанд өрсөлдөх эрхээ авсан. Харин 4-11-р байрыг эзэлсэн 8 баг "Survival Stage" шатанд тоглож, хамгийн бага оноотой 5 баг нь тэмцээнээс хасагдаж байна.

• 11 САРЫН СПОРТ: PUBG Mobile, Mobile Legends-ийн дэлхийн дэвжээнд Монгол багууд
• Монголын STE баг гурав дахь удаа PUBG Mobile-ын Өмнөд Азийн аварга боллоо
• PUBG Mobile-ын Өмнөд Азийн аваргын төлөө Монголын 6 баг тоглоно

"Ногоон" хэсгийн тухайд Бразилын "Loops Esports", "Alpha7 Esports" болон Stalwart Esports багууд Grand Final-ы эрхээ авсан. Харин Хятад, Казахстан, Турк, Пакистан, Тайландын багууд тэмцээнийг өндөрлүүллээ.

Survival Stage шатанд шалгарсан 8 баг дараагийн хоёр хэсгийн шатны үр дүнг хүлээнэ. Тэмцээний хоёр дахь долоо хоног буюу энэ сарын 9-д "Улаан" хэсгийн тоглолтууд эхлэх бөгөөд Монголын "NB Esports" баг өрсөлдөнө.

Харин гурав дахь долоо хоногт Монголын "IHC ESPORTS", "4Merical Vibes" багууд тоглоно.

3 сая ам.долларын шагналын сантай тэмцээнээс хасагдсан эхний 5 баг буюу гурван хэсгийн сүүл мушгисан 15 баг 20-22 мянган ам.долларын шагнал авсан.