• PUBG Mobile-ын дэлхийн аварга шалгаруулах тэмцээн үргэлжилж байна
• Монголын "NB Esports" баг тэмцээний Survival Stage-д шалгарлаа

PUBG Mobile-ын дэлхийн аварга шалгаруулах тэмцээн "PMGC 2023" Малайзын нийслэл Куала Лумпур хотод болж байна.

Тэмцээний "Улаан" хэсгийн тоглолтууд дөрвөн өдрийн турш үргэлжилж Монголын "NB Esports" баг Survival Stage шатанд өрсөлдөх эрхээ авлаа.

PMGC 2023 нийт дөрвөн шаттай. Эхний буюу "Group Stage" шатанд дэлхийн шилдэг 48 баг гурван хэсэгт хуваагдан тоглож байгаа ба өнгөрсөн долоо хоногт Монголын "Stalwart Esports" баг "Ногоон" хэсгийн гуравдугаар байраар Grand Final-д оролцох эрхээ шууд авсан.

Хэсгийн шатнаас хамгийн өндөр оноо авсан 3 баг эцсийн буюу "Grand Finals" шатанд өрсөлдөх эрхээ авна. Харин 4-11-р байрыг эзэлсэн 8 баг "Survival Stage" шатанд тоглож, хамгийн бага оноотой 5 баг нь тэмцээнээс хасагдаж байгаа юм.

• Монголын Stalwart Esports баг дэлхийн аваргын Гранд Финалд шалгарлаа
• 11 САРЫН СПОРТ: PUBG Mobile, Mobile Legends-ийн дэлхийн дэвжээнд Монгол багууд
• Монголын STE баг гурав дахь удаа PUBG Mobile-ын Өмнөд Азийн аварга боллоо

"Улаан" хэсгээс Өмнөд Солонгосын "Nongshim RedForce", Хятадын "Six Two Eight", Индонезын "Morph GPX" багууд Гранд финалын эрхээ авсан бол Казахстаны "Konina Power", Тайландын "HAIL Esports", Туркийн "Next Rüya", Бразилын "INTENSE GAME", Пакистаны "Seventh Element" багууд тэмцээнээс хасагдлаа.

AkazaaE /Золбадрах/, FISTBoy, Mondo /А.Бүрэн/, SEKk /Б.Сэргэлэн/ нарын бүрэлдэхүүнтэй NB Esports баг хэсгийн шатанд нэг map-д хожиж, 125 оноо авснаар 9-р байр эзэлсэн юм.

"Ногоон" хэсгийн тухайд Бразилын "Loops Esports", "Alpha7 Esports" болон Stalwart Esports багууд Grand Final-ы эрхээ авсан. Харин Хятад, Казахстан, Турк, Пакистан, Тайландын багууд тэмцээнийг өндөрлүүлсэн.

Survival Stage шатанд нийт 24 баг гурван хэсэгт хуваагдан тоглох бөгөөд хамгийн өндөр оноотой 16 баг "Last Chance" шатанд тоглож Гранд финалын сүүлийн 5 эрхийг авахны төлөө тэмцэнэ.

Дэлхийн аваргын гурав дахь долоо хоногт тоглох "Шар" хэсэгт Монголын "IHC ESPORTS", "4Merical Vibes" багууд багтаж байна.