• Азийн хөл бөмбөгийн аварга шалгаруулах тэмцээний шөвгийн наймын тоглолтууд эхэллээ
• Йорданы шигшээ баг Тажикистаныг 1-0 харьцаагаар хожиж хагас шигшээд шалгарлаа. Үзэх

Азийн хөл бөмбөгийн холбооноос зохиодог Азийн аварга шалгаруулах тэмцээний шөвгийн наймын тоглолтууд өнөөдөр эхэллээ.

19:30 цагаас эхэлсэн тоглолтод, шигшээ 16 шатанд Эмират улсын хүчирхэг багийг хожсон Тажикистанчууд болон мэргэн буучдын жагсаалтыг тэргүүлж буй Аймен Хуссейн тэргүүтэй Иракийн багийг хожсон Йорданчууд учраа таарсан.

Тоглолтын эхний үед гоол ороогүй. Харин хоёрдугаар үеийн 66 дахь минутад Йордан тооны харьцааг нээсэн нь Тажикистаны тоглогч Вахдат Ханоновын авто гоол болон бүртгэгдэв.

• Япончууд шөвгийн наймд шалгарч Ираны шигшээ багтай тоглохоор болов
• Солонгосын шигшээ баг Саудын Арабыг торгуулийн цохилтоор хожлоо
• Катар, Йорданы шигшээ баг шөвгийн наймд шалгарч Ирак, Палестинчууд гэртээ харилаа

Улмаар тоглолт үндсэн цагт 1-0 харьцаагаар өндөрлөснөөр Йорданы шигшээ баг шөвгийн дөрөвт шалгарлаа. Йордан улс түүхэндээ анх удаа Азийн аваргын хагаш шигшээд шалгарч байгаа нь энэ юм.

МЭРГЭН БУУЧИД:

1. Аймен Хуссейн /Ирак/ - 6 гоол
2. Акрам Афиф /Катар/ - 4 гоол
3. Аяасэ Үэда /Япон/ - 4 гоол
4. Ли Кан Ин /Өмнөд Солонгос/ - 3 гоол
5. Мехди Тареми /Иран/ - 3 гоол
6. Одай Даббах /Палестин/ - 3 гоол

ГООЛЫН ДАМЖУУЛАЛТААР ТЭРГҮҮЛЭГЧИД:

1. Али Жасим /Ирак/ - 3 дамжуулалт
2. Акрам Афиф /Катар/ - 2 дамжуулалт
3. Али Салех /Эмират/ - 2 дамжуулалт
4. Алмоэз Али /Катар/ - 2 дамжуулалт
5. Жалолиддин Машарипов /Узбекистан/ - 2 дамжуулалт
6. МусАб Аль-Батат /Палестин/ - 2 дамжуулалт
7. Саман Годдос /Иран/ - 2 дамжуулалт
8. Сардар Азмун /Иран/ - 2 дамжуулалт
9. Яазан Аль-Наймат /Йордан/ 2 дамжуулалт