• Азийн хөл бөмбөгийн аварга шалгаруулах тэмцээний шигшээ 16 шат үргэлжилж байна
• Катар 2-1 Палестин: Үзэх
• Ирак 2-3 Йордан: Үзэх

Азийн хөл бөмбөгийн холбооноос зохиодог Азийн аварга шалгаруулах тэмцээний шигшээ 16 шатны тоглолтууд үргэлжилж байна.

Шигшээ 16 шат эхлээд хоёр дахь өдөр "А" хэсгээс гурван хожилтой, нэг ч гоол алдалгүй гарч ирсэн, талбайн эзэн Катарын шигшээ баг "С" хэсгийн 3-р байр Палестиныг 2-1 харьцаагаар хожлоо.

Тоглолтын эхний гоолыг Палестинаас 37 дахь минутад Одэй Даббах оруулсан бол эхний үеийн төгсгөлд Катарын шигшээ багийн довтлогч Хассан Аль-Хэйдос тооны харьцааг тэнцүүлсэн. Хоёрдугаар үе эхлээд удаагүй 49 дэх минутад мэргэн буучдын жагсаалтын дэд байрт жагсаж байсан Акрам Афиф Катарт гоолын давуу бий болгосноор Азийн АШТ-д анх удаа хожиж улсынхаа түүхийг шинэчилсэн Палестинчууд нутаг буцахаар болжээ.

• Тажикистан торгуулийн цохилтоор Эмиратыг хожиж шөвгийн наймд шалгарлаа
• Азийн АШТ: Солонгос Малайзтай тэнцсэнээр хэсгээ тэргүүлж чадсангүй
• Азийн АШТ: D хэсгийг Япон биш Ирак тэргүүллээ

Харин нөгөө талд энэ тэнцүүхэн өрсөлдөгчид болох Ирак - Йорданы шигшээ багууд тоглов. Йорданы Яазан Аль-Наймат эхний үеийн ганц гоолыг оруулж багтаа тэргүүлийг авчирсан ч Иракийн Саад Натик 68 дахь минут, мэргэн буучийн жагсаалтыг тэргүүлэгч Аймен Хуссейн 76 дахь минутад гоол оруулж Иракчууд хожиход ойрхон байв.

Гэвч 77 дахь минутад Хуссейн улаан хуудсаар торгуулан хөөгдсөн бөгөөд хүний давуутай болсон Йорданаас 90+5 дахь минутад Яазан Аль-Араб, 90+7 дахь минутад Низар Аль-Рашдан нар гоолдож хоёрхон минутын хугацаанд тоглолтын хувь заяаг шийдсэн юм.

Ийнхүү Йордан шөвгийн наймд Тажикистантай тоглохоор болов. Харин Катарчууд Узбекистан болон Тайландын хожсоныг хүлээнэ.

Одоогоор Иракийн шигшээ багийн довтлогч Аймен Хуссейн 6 гоолтойгоор Азийн аваргын мэргэн буучдын жагсаалтыг тэргүүлж байгаа бол Катарын Акрам Афиф 4, Японы Аяасэ Үэда, Солонгосын Ли Кан-Ин, Йорданы Одэй Даббах нар 3 гоолтой удаалж байна.