2024 оны УИХ-ын ээлжит сонгуулийн санал хураалт дуусахад цаг гаруйн хугацаа үлдээд байна. 20:00 цагийн байдлаар сонгуулийн ирц улсын хэмжээнд 62 хувьтай байна.

Бид сонгуулийн 10-р тойргийн 10-1-6-1-ийн хэсгийн санал хураах явцаас гэрэл зурагт буулгалаа.

Хэсгийн хорооны дарга Б.Амар “ Манай хэсгийн хороонд 2203 сонгогч саналаа өгнө. Одоогоор ирц 70 хувьтай байгаа бөгөөд иргэд идэвхтэй сонгуульд оролцож байна. Санал авах үйл ажиллагаа хэвийн үргэлжилж байна. Өдөр дараалал ихтэй байсан бол үдээс хойшдоо дугаар дараалал багассан. Өнөөдөр нийтдээ хүчингүй 15 саналын хуудас гарлаа. Ихэнхдээ мандатын тооноос илүү дугуйлсан алдаа гарсан учир дахин нэг саналын хуудас олгож ажиллалаа. Иргэддээ хандаж хэлэхэд сонгуульдаа идэвхтэй оролцоорой гэж уриалмаар байна” гэлээ.

Санал хураалт 22:00 цагаар дуусгавар болно.