Эмэгтэйчүүдийн боксын дэлхийн аварга шалгаруулах тэмцээн Энэтхэг улсад зургаа дахь өдрөө үргэлжилж байна.

Зургаа дахь өдөр Монголын шигшээ багийн гурван боксчин тулалдахаас эхнийх нь Лутсайханы Алтанцэцэг байв. Тэрээр шигшээ 16 шатанд Хятадын Мэй И Хүг 5-0 харьцаагаар ялж шөвгийн наймд шалгарлаа.

ДАШТ-д Монголын шигшээ багийн 8 тамирчин оролцож байгаагаас

1. -50 кг жинд Б.Мөнгөнсаран Туркийн тамирчныг ялж шигшээ 32-т шалгарсан, шигшээ 32-т Испанийн тамирчинд ялагдаж тэмцээнээ дуусгасан
2. -52 кг жинд О.Есүгэн Тайландын тамирчныг ялж, шигшээ 16-д Мозамбикийн тамирчныг ялж шөвгийн наймд шалгарсан
3. -50 кг жинд М.Намуун Колумбийн тамирчинд ялагдаж тэмцээнээ дуусгасан
4. -54 кг жинд М.Энхжаргал Вьетнамын боксчныг ялж шигшээ 32-т шалгарсан, Мароккогийн тамирчныг ялж шигшээ 16-д шалгарсан, Бразилын тамирчныг ялж шөвгийн наймд шалгарсан
5. -60 кг жинд Т.Номин-Эрдэнэ Японы тамирчинд ялагдаж тэмцээнээ дуусгасан
6. -48 кг жинд Л.Алтанцэцэг Францын тамирчныг ялж шигшээ 16-д шалгарсан, Хятадын тамирчныг ялж шөвгийн наймд шалгарлаа.
7. -66 кг жинд М.Цэцэгдарь Японы тамирчныг ялж шигшээ 16-д шалгарав, шөвгийн наймын төлөөх тулаанд ялагдаж тэмцээнээ дуусгав
8. -63 кг жинд У.Шинэцэцэг Францын тамирчинд ялагдаж тэмцээнээ дуусгалаа.