Эмэгтэйчүүдийн боксын дэлхийн аварга шалгаруулах тэмцээн Энэтхэг улсад тав дахь өдрөө үргэлжилж байна.

Тав дахь өдрийн эхний тулаан Монголын шигшээ багийн тамирчин Оюунцэцэгийн Есүгэн болон Мозамбикийн тамирчин Элена Багао нарын хооронд боллоо.

Талбайн шүүгчээр Перугийн шүүгч ажилласан бөгөөд О.Есүгэн өрсөлдөгчөө эхний минутад хүнд цохилтоор буулган авснаар шөвгийн наймд шалгарлаа. Тэрээр энэ сарын 22-д хүрэл медалийн төлөө тулалдана.

ДАШТ-д Монголын шигшээ багийн 8 тамирчин оролцож байгаагаас

• -50 кг жинд Б.Мөнгөнсаран Туркийн тамирчныг ялж шигшээ 32-т шалгарсан, шигшээ 32-т Испанийн тамирчинд ялагдаж тэмцээнээ дуусгасан
• -52 кг жинд О.Есүгэн Тайландын тамирчныг ялж шигшээ 16-д шалгарсан
• -50 кг жинд М.Намуун Колумбийн тамирчинд ялагдаж тэмцээнээ дуусгасан
• -54 кг жинд М.Энхжаргал Вьетнамын боксчныг ялж шигшээ 32-т шалгарсан, Мароккогийн тамирчныг ялж шигшээ 16-д шалгарсан
• -60 кг жинд Т.Номин-Эрдэнэ Японы тамирчинд ялагдаж тэмцээнээ дуусгасан
• -48 кг жинд Л.Алтанцэцэг Францын тамирчныг ялж шигшээ 16-д шалгарсан
• -66 кг жинд М.Цэцэгдарь Японы тамирчныг ялж шигшээ 16-д шалгарав

20:30 цагаас М.Энхжаргал -54 кг жингийн шигшээ 16 шатанд Бразилын тамирчинтай тус тулалдана.