"Катар 2022" ДАШТ-ий B хэсэгт таарсан АНУ болон Ираны шигшээ багууд хэсгийн сүүлийн тоглолтоо хийж 0-1 харьцаагаар АНУ хожлоо.

АНУ-ын залуучуудын хурдан хэмнэлтэй тоглолтыг Ираны хамгаалалт зогсоож байсан ч 38 дахь минутад "Ахмад Америк" Кристиан Пулисик баруун жигүүрийн хамгаалагч Сержинио Дестийн дамжуулалтаар гоол оруулсан.

Пулисик гоол оруулах үед хаалгачтай мөргөлдөж гэмтсэн тул хоёрдугаар үед сэлгээнд суусан. Гоол алдсан Иран хожиж байж хэсгээс гарах учраас довтолгоондоо бүхий л хүчээ зарцуулж байв.

Гэвч тоглолт 0-1 харьцаагаар өндөрлөж АНУ хэсгийн хоёрдугаар байраар шигшээ 16-д шалгарлаа. Ингэснээр тэд А хэсгээс нэгдүгээр байраар шалгарсан Нидерландтай шигшээ 16-д тоглохоор боллоо.

B хэсгийн өмнөх тоглолтуудын үр дүн:

• Англи 6-2 Иран
• АНУ 1-1 Иран
• Уэльс 0-2 Иран
• Англи 0-0 АНУ

Voo аппликейшн татах

• Android
• iOS