#PUBGMobile Төв, Өмнөд Азийн аварга шалгаруулах намрын тэмцээн энэ сарын 21-ээс есдүгээр сарын 14-ий хооронд болно. Тэмцээнд Монголын таван баг оролцоно.

PUBG Mobile (Player Unknown's Battle Ground Mobile)-ын  Төв, Өмнөд Азийн аварга шалгаруулах намрын тэмцээн буюу 200 мянган ам.долларын шагналын сантай "PUBG Mobile Super League - Central and South Asia Fall 2024" Балба улсын нийслэл Катманду хотод наймдугаар сарын 21-ээс есдүгээр сарын 14-ий хооронд болно.

Тэмцээнд Монголын таван баг Казахстан, Балба, Бангладеш, Пакистан, Алс Дорнод (Орос), Узбекистаны шилдэг багуудтай өрсөлдөнө.

Монголын "IHC Esports", "Stalwart Esports", "4Merical Vibes" Төвийн Азийн чансааг тэргүүлэн шууд урилгаар оролцох бол "Falcons Force", "Stronger Esports" багууд Өмнөд Азийн урьдчилсан шатнаас эрхээ авсан.

• Монгол багууд Дэлхийн цомын тэмцээний 11, 12-р байрт жагслаа
• Монголын гурван багийн хоёр нь дэлхийн цомын тэмцээний финалд шалгарлаа
• НАЙМДУГААР САРЫН СПОРТ: Олимпын сар

Нийт 20 баг таван хэсэгт хуваагдан гурван долоо хоног өрсөлдөх бөгөөд хамгийн өндөр оноотой 16 баг финалд шалгарна. Хэсгийн шатны тоглолтууд долоо хоног бүрийн лхагваас ням гараг хүртэл тав хоногт өдрийн 6, нийт 30 тоглолт хийх бөгөөд нийт 90 тоглолтын дараах оноогоор хэсгийн шат өндөрлөж хүснэгтийг тэргүүлэгчид тодорно.

Харин финал зургаан тоглолтоор гурван өдөр үргэлжилж нийт 18 тоглолтын дараагаар аваргууд тодорно. Финалд эхний дөрвөн байр эзэлсэн багууд энэ жилийн дэлхийн аварга шалгаруулах тэмцээн буюу "PUBG Mobile Global Championship 2024"-т оролцоно.