Хорооны түвшинд газрын зураглалуудыг багтаасан manaikhoroo.mn сайтаар цахим онлайн газрын зураглалын сангаар иргэд, оршин суугчид аж ахуй нэгж, байгууллага, орон сууц, байшин, зам талбай гээд бүхий л мэдээллийг цахим хэлбэрээр харах боломжтой болжээ.

Тус системийг дахин шинэчилж  зураглалыг оруулах, мэдээ мэдээлэлд дүн шинжилгээ хийхэд гар ажиллагаа ихтэй, аюулгүй байдал сул зэрэг дутагдалтай байсныг сайжруулан  илүү хялбар хэрэглэхэд ойлгомжтой болгожээ.

Manaikhoroo.mn цахим системийг дүүрэг болон хороодын албан хаагчид ашиглах чадвар олгох сургалтыг энэ сарын 27-ны өдрөөс ирэх сарын 6-ны өдрүүдэд зохион байгуулна.