Иргэн Д.Амартүвшингээс Улсын дээд шүүхэд өчигдөр буюу 2023 оны аравдугаар сарын 16-ны өдөр өргөдөл ирүүлжээ.

Уг өргөдөл нь “Либертари нам үүсгэн байгуулсныг улсын бүртгэлд бүртгүүлэх” тухай агуулгатай болохыг Улсын дээд шүүхээс мэдээллээ. 

Энэ сарын эхээр Монголын "Либертари" Намын дарга Д.Амартүвшин тэргүүтэй гишүүд Анхдугаар Их хурлаа хийх болсон талаар мэдээлэл хийсэн. 

Тэрбээр "Бид баруун жигүүрийн үзэл санааг дэлгэрүүлэх бодлоготой сөрөг хүчний нам. Өнөөдөр улс төрийн намууд гишүүдийн тоо, хэмжээгээр илүүрхэх гэдэг. Угтаа бол бодлого, үзэл санаагаараа ялгарах хэрэгтэй" гэсэн юм.