Монголын "Либертари" Намын дарга Д.Амартүвшин тэргүүтэй гишүүд Анхдугаар Их хурлаа хийх болсон талаар мэдээлэл хийлээ.

Тэд "Бид баруун жигүүрийн үзэл санааг дэлгэрүүлэх бодлоготой сөрөг хүчний нам. Өнөөдөр улс төрийн намууд гишүүдийн тоо, хэмжээгээр илүүрхэх гэдэг. Угтаа бол бодлого, үзэл санаагаараа ялгарах хэрэгтэй.

Бид сүүлийн үед халамж л нэхсэн дуу хоолойг сонссоор ирсэн. Харин бизнес эрхлэгч ард иргэдийн дуу хоолойг илүүтэй хүргэж, эрхийг нь хамгаалах болно

Үндсэн зорилго нь эрх чөлөөт нийгмийг бүрдүүлэхэд саад тотгор болж буй нөхцөл байдлыг өөрчлөх юм. Тодруулбал чөлөөт зах зээлийн орчинг бүрдүүлэх бөгөөд Монгол Улсын хувьд эдийн засаг дахь төрийн оролцоо ихсэж, тэр хэрээр хулгай, авлига нэмэгдэж байдаг.

Зээлийн тэлэлт үүсгэх маягаар Монгол Улсын өрийг нэмэгдүүлэхийн хэрээр инфляци нэмэгдэж байна. Эдийн засаг дахь төрийн оролцоотойгоор ард иргэдийн ахуй амьдралыг боомилж буй хэлбэр юм.

Бид сүүлийн үед халамж л нэхсэн дуу хоолойг сонссоор ирсэн. Харин бизнес эрхлэгч ард иргэдийн дуу хоолойг илүүтэй хүргэж, эрхийг нь хамгаалах болно" гэлээ.

Либертари Намын Анхдугаар Их хурал 2023 оны аравдугаар сарын 10-нд болно.