“Шинэ сэргэлтийн бодлого”-ын хүрээнд эдийн засгийг тэлэх чухал ач холбогдолтой, экспорт, импортын шинэ гарц болох Зүүнбаян-Ханги чиглэлийн төмөр замын бүтээн байгуулалт өнөөдөр эхлэв.

Зам тээврийн сайд Л.Халтар "Говийн бүсэд замын хэвгий аятайхан, ажиллагаа багатай учраас зуны дотор барьж дуусгах нөхцөлтэй. Зам баригдсанаар жилд 20 сая тонн ачаа тээвэрлэнэ" гэв.

Замын-Үүд болон Гашуунсухайт боомтын ачааллыг Зүүнбаян хуваалцана гэж Сангийн сайд Б.Жавхлан хэллээ.

Зүүнбаянгийн төмөр замд 380 сая ам.долларын хөрөнгө оруулалт шаардана. Нэг км-т 1.7 сая ам.доллар зарцуулна.

Төмөр зам барихад Зэвсэгт хүчний жанжин штабын дөрвөн ангийн цэргүүд ажиллана.