• ESL Pro League Season 19 эхэллээ.
• Тэмцээнд Монголын "The MongolZ" баг оролцож байна.
• Тэд эхний тоглолтоо Саудын Араын "Team Falcons" багийг 2-1 харьцаагаар хожлоо.

Электрон спортын хамгийн том байгууллагуудын нэг "ESL (Electronic Sports League)"-ээс уламжлал болгон зохиодог, CS2 (Counter Strike 2)-ын хамгийн том лигүүдийн нэг "ESL Pro League" эхэллээ.

Дэлхийн шилдэг 32 баг Мальта улсын Сент Жулианд цугласан, 19 дэх удаагийн ESL Pro League-т Ази тивийг төлөөлөн хоёр баг оролцож байгаагийн нэг нь Монголын "The MongolZ" юм.

Ази тивд чансаагаар тэргүүлж буй монгол баг өнөөдөр эхний тоглолтоо Саудын Арабын хөрөнгө оруулалттай "Team Falcons" багтай хийлээ. The MongolZ өөрсдийн сонгосон Mirage-д 13-3 харьцаагаар эхний map хожсон ч Team Falcons-ын сонгосон Nuke-д 9-13 харьцаагаар хожигдсон. Улмаар гурав дахь map Ancient тоглоход 13-11 харьцаагаар The MongolZ хожлоо.

• The Mongolz "Esports World Cup 2024" тэмцээнд Ази тивийг төлөөлнө
• CS2-ын 100 мянган ам.долларын шагналын сантай тэмцээн Монголд болно
• "ESL Challenger Jonköping"-д оролцох эрхийг The Mongolz авлаа

"B" хэсгийн эхний тоглолтдоо хожсон "The MongolZ" маргааш 22:30 цагаас "G2 Esports" багтай тоглох бол Team Falcons тэмцээнд үлдэхийн төлөө Азийн нөгөө төлөөлөл, Хятадын "TYLOO" багтай тоглоно.

"ESL Pro League Season 19"-т Номхон далайн орнуудын төлөөлөл хоёр баг оролцож байгаагийн нэг нь монгол дасгалжуулагчтай "FlyQuest" баг юм. Тэд ирэх долоо хоногт эхний тоглолтоо дэлхийн аварга "Natus Vincere"-ын эсрэг хийнэ.

Саудын Араб улс өнгөрсөн жилээс эхлэн электрон спортын өндөр шагналын сантай тэмцээнүүд зохиож, шилдэг тоглогчдоос бүрдсэн хүчирхэг багуудыг ивээн тэтгэж эхэлсний нэг нь CS2-ын Team Falcons юм. Тус багийн дасгалжуулагчаар "Team Vitality" багийг дэлхийн аварга болгосон Данни "zonic" Соренсен ажиллаж байгаа бөгөөд өөрийн бүрдүүлэх "бүх оддын баг"-таа хамгийн түрүүнд Team Vitality-тай аварга авсан Эмил "Magisk" Рэйфийг дуудсан. Дараа нь "ENCE" багийн хамт 2023 оны Далласын их дуулгад түрүүлээд байсан "Snappi", "maden", "SunPayus" нарыг нэгтгэж эцэст нь "Astralis" багийн хамт оролцсон тэмцээн болгондоо түрүүлсэн, тав удаагийн дэлхийн аварга Петер "dupreeh" Русмуссенээр бүрэлдэхүүнээ зузаатгасан билээ.