• ESL Challenger Jonköping 2024-т орох эрхийн төлөөх урьдчилсан шатны тэмцээн боллоо
• Монголын The Mongolz баг гранд финалд Хятадын Lynn Vision Gaming багийг хожиж эрхээ авлаа

ESL (Electronic Sports League)-ээс зохиодог CS2 (Counter Strike 2)-ын хамгийн том лиг "ESL Pro League"-ын 20 удаагийн тэмцээн энэ оны есдүгээр сарын 3-д Мальта улсад эхэлнэ. Тус лигт оролцох нэг эрх олгох 100 мянган ам.долларын шагналын сантай "ESL Challenger at DreamHack Summer 2024" тэмцээн зургаадугаар сарын 14-д Шведийн Йёншөпинг хотод болно.

Тэгвэл Шведэд болох тэмцээнд Ази тивийг төлөөлөх ганц эрхийн төлөөх урьдчилсан шатны тоглолтууд онлайнаар болж Монголын The Mongolz эрхээ авлаа.

Урьдчилсан шатанд The MongolZ, Хятадын "Lynn Vision Gaming" багууд уригдсан бол Оросын "LYG Gaming", "ATOX Esports" багууд нээлттэй сонгон шалгаруулалтаас эрхээ авсан юм.

• CS2-ын анхны дэлхийн аваргад "Natus Vincere" түрүүллээ
• The MongolZ гурван удаа нэмэлт цаг сунгасан ч эцсийн мөчид тэмцээнээс хасагдлаа
• The Mongolz дэлхийн аварга "Team Vitality"-тай Nuke тоглов

The MongolZ эхний тоглолтоо Оросын багтай хийж 2-1 (Ancient 13-2, Mirage 10-13, Anubis 9-13) харьцаагаар, ATOX Esports баг Хятадын багт 2-0 (Inferno 6-13, Anubis 5-13) харьцаагаар тус тус хожигдсоноор хоёр монгол баг хоорондоо тоглосон. Улмаар The MongolZ 2-0 (Inferno 13-8, Ancient 13-11) харьцаагаар хожиж доод хүснэгтийн финалд шалгарсан юм.

The MongolZ Оросын багтай доод хүснэгтийн финалд дахин тоглож 2-0 (Ancient 13-6, Mirage 13-10) харьцаагаар хожсон ба Гранд Финалд Lynn Vision Gaming-ыг 2-0 (Overpass 13-11, Ancient 13-8) харьцаагаар хожсон.