• CS-ын дэлхийн аварга шалгаруулах тэмцээн Дани улсад боллоо
• CS2-ын анхны major-т Natus Vincere түрүүллээ

CS2-ын дэлхийн аварга шалгаруулах тэмцээн гэж хэлж болох, хамгийн өндөр шагналын сантай "PGL Major Copenhagen 2024" CS тоглоомын эх орон Данийн нийслэлд боллоо.

2023 оны долоодугаар сард нээлтээ хийсэн CS2 тоглоомын анхны мажорт Украины "Natus Vincere" баг түрүүлж АНУ-ын "FaZe Clan" баг удааллаа.

Украин дасгалжуулагч Андрей "B1ad3" Городенскыгоор удирдуулсан Natus Vincere-ын Европчууд хасагдах шатанд Туркийн "Eternal Fire"-ыг 2-0 (Mirage 16-13, Inferno 13-9), Германы "G2 Esports" багийг 2-1 (Anubis 16-13, Nuke 7-13, Ancient 13-11) харьцаагаар хожин финалд шалгарсан. Финалд дэлхийн аварга Финн "karrigan" Андерсен тэргүүтэй FaZe Clan-ыг 2-1 (Ancient 13-9, Mirage 2-13, Inferno 13-3) харьцаагаар хожсон юм.

• The MongolZ гурван удаа нэмэлт цаг сунгасан ч эцсийн мөчид тэмцээнээс хасагдлаа
• The Mongolz дэлхийн аварга "Team Vitality"-тай Nuke тоглов
• The Mongolz дэлхийн аварга Natus Vincere-т хожигдлоо

Ийнхүү Финланд залуу Алексей "Aleksib" Виролайнен багийн ахлагчтай NAVI 500,000 мянган ам.долларын (1.6 тэрбум төгрөг) шагнал, "Esports World Cup 2024" болон "BLAST Premier World Final" тэмцээнүүдэд оролцох эрхтэй боллоо. Тэмцээний шилдэг тоглогчоор аварга болсон багийн Литва тоглогч Юустинас "jL" Лекависиус тодорчээ.

Ази тивийг төлөөлж оролцсон Монголын "The MongolZ" баг "Elimination Stage" шатны эхний тоглолтоо NAVI-тай хийж Mirage 13-10 харьцаагаар хожигдож байсан билээ.

Харнн сүүлийн дэлхийн аварга буюу "BLAST.tv Paris Major 2023"-т түрүүлсэн Францын "Team Vitality" тэмцээний гуравдугаар байрыг эзэлжээ.