"Катар 2022" ДАШТ-ий D хэсэгт таарсан Франц болон Тунисийн шигшээ багууд хэсгийн сүүлийн тоглолтоо хийж 1-0 харьцаагаар Тунис хожлоо.

Хэсгийн эхний хоёр тоглолтдоо хожиж хэсгээс гарах нь тодорхой болсон Франц Тунисийн эсрэг сэлгээний тоглогчдоо гаргасан. Францын сэлгээ Тунисийн гараатай эхний үед гоолгүй тэнцэв.

Харин хоёрдугаар үед Тунисийн хамгийн туршлагатай тоглогч Вахби Хазри өөрийн ур чадвараар гоолдож Тунист хэсгээс гарах итгэл өглөө. Тунис Францыг хожсон ч нөгөө талд Дани Австралийг хожих ёстой байв.

Гэвч Австрали Данийг хожсоноор Тунист оноо дутаж гэртээ харилаа. Харин аваргаа хамгаалагч Францчууд хэдий хожигдсон ч D хэсгээс нэгдүгээр байраар шалгарлаа.

D хэсгийн өмнөх тоглолтуудын үр дүн:

• Дани 0-0 Тунис
• Франц 4-1 Австрали
• Тунис 0-1 Австрали
• Франц 2-1 Дани

Voo аппликейшн татах

• Android
• iOS