"Катар 2022" ДАШТ-ий D хэсгийн хоёр дахь тоглолт дэлхийн аваргаа хамгаалагч Франц болон Австралийн шигшээ багийн хооронд болоход Франц 4-1 харьцаагаар хожлоо.

1998, 2018 оны дэлхийн аварга Францчууд энэ оны дэлхийн шилдэг тоглогч Карим Бенземаг бэртлээр алдаад байсан юм. Харин Бенземагийн оронд гараанд гарсан Оливье Жиру үүргээ давуулан гүйцэтгэж хоёр гоол орууллаа.

Ингэснээр Оливье Жиру шигшээ багийнхаа төлөө 51 гоолтой болж алдарт Тьерри Анригийн дээд амжилттай тэнцлээ. Хэрэв тэр дараагийн тойрогт дахин гоолдвол Францын шигшээ багийн түүхэд хамгийн олон гоол оруулсан тоглогч болно.

Австраличууд тоглолтын эхний гоолыг оруулсан ч дөрвөн гоол дараалан алдаж харамсалтайгаар хожигдсон. Тэд хэсгээсээ гарахын тулд дараагийн тойрогт Дани, Тунистэй сайн тоглох шаардлагатай.

Францын шигшээ багийн мэргэн буучид:

1. Оливье Жиру - 51 гоол
2. Тьерри Анри - 51 гоол
3. Антуан Гризманн - 42 гоол
4. Мишел Платини - 41 гоол
5. Карим Бензема - 37 гоол