"Катар 2022" ДАШТ-ий H хэсгийн гурав дахь тоглолт Өмнөд Солонгос болон Ганын шигшээ багийн хооронд болоход 2-3 харьцаагаар Гана хожлоо.

Тоглолтын эхний 15 минут Өмнөд Солонгосын ширүүн довтолгоо, олон дараалсан булангийн цохилт дунд өдөрлөсөн. Ганачууд сайн хамгаалалтынхаа хүчинд Азиудын довтолгоог хамгаалж хэмнэлийг гартаа авсан бөгөөд 24, 34 дэх минутуудад дараалан гоол оруулав.

Гоолууд чөлөөт цохилтын байрлалаас орсон бөгөөд Мохаммед Салису болон Мохаммед Кудус Жордан Айюгийн дамжуулалтыг гоол болгосон.

Улмаар Солонгосчууд хоёрдугаар үед Ли Кан Инийг сэлгээгээр оруулсан нь тоглолтыг сэргээж 58, 61 дэх минутад Чо Ге Сон хоёр удаа мөргөж тооны харьцааг тэнцүүлэв.

Гэвч Ганачууд хариуг нь шуурхай барьж Кудус 68 дахь минутад дахин гоолдлоо. Ийнхүү тоглолт Ганын талд эргэсэн тул давхар хамгаалалтын сэлгээ оруулж байв. Харин Солонгосчууд эцсийн шүгэл дугарах хүртэл довтолсоор тоглолт өндөрлөлөө.

H хэсгийн өмнөх тоглолтуудын үр дүн:

• Уругвай 0-0 Өмнөд Солонгос
• Португал 3-2 Гана

Voo аппликейшн татах

• Android
• iOS