"Катар 2022" ДАШТ-ий F хэсгийн дөрөв дэх тоглолт Хорват болон Канадын шигшээ багийн хооронд болоход Хорват 4-1 харьцаагаар хожлоо.

Тоглолт эхлээд дөнгөж 69 дэх секундэд Канадууд ДАШТ-ий түүхэд анхны гоолоо орууллаа. Гоолын эзэн нь 22 настай багийн манлай Алфонзо Дэвис байсан бөгөөд Тажон Бюкананы баруун жигүүрээс өгсөн бөмбөгийг мөргөсөн юм.

ДАШТ эхэлснээс хойш ийм богино хугацаанд гоол ороогүй. Эрт гоол орсон тоглолт өндөр хэмнэлтэй үргэлжилсэн бөгөөд Хорватчууд туршлага харуулж үе дуусахаас өмнө нөхцөл байдлыг эсрэгээр нь эргүүллээ.

36 дахь минутад Андрей Крамарич, 44 дэх минутад Марко Ливаяа нар гоол оруулж тэргүүлийг бий болгосон ба 70 дахь минутад Крамарич хоёр дахь удаа, 94 дэх минутад Ловро Маер гоол оруулж тоглолт өндөрлөсөн.

Ийнхүү 2018 оны мөнгөн медальт Хорватууд хэсгээс гарах итгэл өвөртөлж дараагийн тойрогт Бельгитэй тоглоно. Харин хоёр хожигдсон Канад гэртээ эрт харих эхний баг боллоо.

F хэсгийн өмнөх тоглолтуудын үр дүн:

• Марокко 0-0 Хорват
• Бельги 1-0 Канад
• Бельги 0-2 Марокко

Voo аппликейшн татах

• Android
• iOS