"Катар 2022" ДАШТ-ий D хэсгийн дөрөв дахь тоглолт Франц болон Данийн шигшээ багийн хооронд болоход Франц 2-1 харьцаагаар хожлоо.

Европ тивийн шилдэг багууд харилцан хянамгай, нягт тоглосны дүнд нэгдүгээр үед гоолгүй тэнцсэн. Харин дэлхийн хоёр удаагийн аварга, аваргын цомоо хамгаалагч Франц 61 дэх минутад гоолын салхийг хагаллаа.

Багийн шилдэг тоглогч Килиан Мбаппе гоолыг оруулсан. Гэвч тус гоолоос ердөө 7 минутын дараа Даничууд Андреас Кристенсений гоолоор тооны харьцааг тэнцүүлэв.

Улмаар Франц сэлгээ оруулж баруун жигүүрт гарсан Кингслей Команы идэвхтэй тоглолт, Антуан Гризманны дамжуулалтаар 86 дахь минутад Мбаппе дахин гоолдсон. Ийнхүү Франц хожин 6 оноотой болсноор хэсгээс гарах болзлоо хангалаа. /D хэсгийн хүснэгт харах/

D хэсгийн өмнөх тоглолтуудын үр дүн:

• Дани 0-0 Тунис
• Франц 4-1 Австрали
• Тунис 0-1 Австрали

Voo аппликейшн татах

• Android
• iOS