"Катар 2022" ДАШТ-ий B хэсгийн гурав дахь тоглолт Уэльс болон Ираны шигшээ багийн хооронд болоход 2-0 харьцаагаар Иран хожлоо.

Уэльсийн шигшээ баг тоглолтын эхнээс бөмбөг эзэмшиж байсан ч Ираны шигшээ баг илүү аюултай довтолгоо хийж байв. Улмаар хоёрдугаар үед нэг удаагийн довтолгоогоор хоёр ч удаа хөндлөвч цохисон бөгөөд Уэльсийн хаалгач Уэйн Хеннеси гоолын дайтай бөмбөг хааж багаа аврав.

Гэвч тэр мөчөөс удалгүй эсрэг багийн довтлогч дээр алдаа гаргаж талбайгаас хөөгдлөө. Энэ удаагийн ДАШТ-д улаан хуудас авсан эхний тоглогч Хеннеси болов.

Улмаар хүний илүү гарсан Иранчууд 96 дахь минутад гоол оруулж Иранчууд хожлоо. Гоолын эзэн нь хамгаалагч Рузбех Чешми байв.

Гоол алдсан Уэльс хүн дутуу довтлох үед дахин гоол алдсанаар тоглолт өндөрлөв.

Хоёр багийн өмнөх тоглолтын үр дүн:

• Англи 6-2 Иран
• АНУ 1-1 Уэльс