Эмэгтэйчүүдийн боксын дэлхийн аварга шалгаруулах тэмцээн Энэтхэг улсад үргэлжилж байна. Өнөөдөр мөнгөн медалийн төлөөх хагас шигшээ шатны тулаанууд эхэллээ.

Мөнгөн медалийн төлөө эхний тулаан -48 кг жинд Лутсайханы Алтанцэцэг болон Марокко улсын тамирчин Ясмин Муттаки нарын хооронд болов. Л.Алтанцэцэг Мароккогийн тамирчныг 5.0 харьцаагаар хожлоо.

О

ДАШТ-д Монголын шигшээ багийн 8 тамирчин оролцсоноос

1. -50 кг жинд Б.Мөнгөнсаран Туркийн тамирчныг ялж шигшээ 32-т шалгарсан, шигшээ 32-т Испанийн тамирчинд ялагдаж тэмцээнээ дуусгасан
2. -52 кг жинд О.Есүгэн Тайландын тамирчныг ялж, шигшээ 16-д Мозамбикийн тамирчныг ялж шөвгийн наймд шалгарсан
3. -50 кг жинд М.Намуун Колумбийн тамирчинд ялагдаж тэмцээнээ дуусгасан
4. -54 кг жинд М.Энхжаргал Вьетнамын боксчныг ялж шигшээ 32-т шалгарсан, Мароккогийн тамирчныг ялж шигшээ 16-д шалгарсан, Бразилын тамирчныг ялж шөвгийн наймд шалгарсан, Италийн боксчныг ялж хүрэл медалийн болзол хангасан
5. -60 кг жинд Т.Номин-Эрдэнэ Японы тамирчинд ялагдаж тэмцээнээ дуусгасан
6. -48 кг жинд Л.Алтанцэцэг Францын тамирчныг ялж шигшээ 16-д шалгарсан, Хятадын тамирчныг ялж шөвгийн наймд шалгарлаа, Узбекистаны тамирчныг ялж хүрэл медалийн болзол хангасан
7. -66 кг жинд М.Цэцэгдарь Японы тамирчныг ялж шигшээ 16-д шалгарав, шөвгийн наймын төлөөх тулаанд ялагдаж тэмцээнээ дуусгав
8. -63 кг жинд У.Шинэцэцэг Францын тамирчинд ялагдаж тэмцээнээ дуусгасан.