• Азийн хөл бөмбөгийн аварга шалгаруулах тэмцээний шөвгийн наймын тоглолтууд үргэлжилж байна
• Иран Японыг 2-1 харьцаагаар хожиж шөвгийн дөрөвт шалгарлаа. Үзэх

Азийн хөл бөмбөгийн холбооноос зохиодог Азийн аварга шалгаруулах тэмцээний шөвгийн наймын тоглолтууд үргэлжилж байна.

Өмнөх шатанд Бахрейныг илүүрхсэн Япончууд шөвгийн наймд Ирантай учраа таарав. Иранчууд шигшээ 16-д Сиритэй 1-1 харьцаагаар тэнцэж пеналтаар хожоод байсан юм.

Тоглолтын эхний гоолыг "Цэнхэр самурай" нараас Хидэмаса Морита 28 дахь минутад оруулсан. Гэвч хоёрдугаар үе эхлээд 10 минут өнгөрч байхад Ираны Мохаммад Мохеби тооны харьцааг тэнцүүлэв.

• Солонгосын шигшээ баг Австралийг хожсоноор шөвгийн дөрөвт тоглох боллоо
• Йорданчууд Азийн аваргын шөвгийн дөрөвт АНХ УДАА шалгарлаа
• Япончууд шөвгийн наймд шалгарч Ираны шигшээ багтай тоглохоор болов

Тоглолтын төгсгөлд Япончууд сэлгээ оруулсан ч амжилт олсонгүй. Харин Ираны довтолгоо ширүүсэж эхэлсэн ба олон удаагийн боломж алдсан ч эцсийн мөчид торгуулийн цохилтын эрх авав. Японы төвийн хамгаалагч Ко Итакүра шүүгчийн мэдлийн нэмэлт цагт алдаа гаргаж Ираны багийн ахлагч Алиреза Жаханбакш торгуулийн цохилт амжилттай болгосноор 2-1 харьцаагаар Иран хожлоо.

Ийнхүү Азийн аваргад түрүүлэх зорилготой ирсэн Япон гэртээ харьж Иранчууд шөвгийн дөрөвт Катар, Узбекистаны хожсоныг хүлээхээр болов.

МЭРГЭН БУУЧИД:

1. Аймен Хуссейн /Ирак/ - 6 гоол
2. Акрам Афиф /Катар/ - 4 гоол
3. Аяасэ Үэда /Япон/ - 4 гоол
4. Ли Кан Ин /Өмнөд Солонгос/ - 3 гоол
5. Мехди Тареми /Иран/ - 3 гоол
6. Одай Даббах /Палестин/ - 3 гоол
7. Сон Хён Мин /Өмнөд Солонгос/ - 3 гоол

ГООЛЫН ДАМЖУУЛАЛТААР ТЭРГҮҮЛЭГЧИД:

1. Али Жасим /Ирак/ - 3 дамжуулалт
2. Сардар Азмун /Иран/ - 3 дамжуулалт
3. Акрам Афиф /Катар/ - 2 дамжуулалт
4. Али Салех /Эмират/ - 2 дамжуулалт
5. Алмоэз Али /Катар/ - 2 дамжуулалт
6. Жалолиддин Машарипов /Узбекистан/ - 2 дамжуулалт
7. МусАб Аль-Батат /Палестин/ - 2 дамжуулалт
8. Саман Годдос /Иран/ - 2 дамжуулалт
9. Яазан Аль-Наймат /Йордан/ 2 дамжуулалт