• CS2-ын хамгийн том лигүүдийн нэг ESL Pro League Season 19 эхэллээ.
• Тэмцээнд Монголын "The MongolZ" баг Ази тивийг төлөөлөн оролцож байна.
• Тэд тэмцээний хоёр дахь тоглолтдоо "G2 Esports"-ыг хожиж хасагдах шатанд шалгарлаа.

Электрон спортын хамгийн том байгууллагуудын нэг "ESL (Electronic Sports League)"-ээс уламжлал болгон зохиодог, CS2 (Counter Strike 2)-ын хамгийн том лигүүдийн нэг "ESL Pro League" эхэллээ.

Дэлхийн шилдэг 32 баг Мальта улсын Сент Жулианд цугласан, 19 дэх удаагийн ESL Pro League-т Ази тивийг төлөөлөн хоёр баг оролцож байгаагийн нэг нь Монголын "The MongolZ" юм.

Ази тивд чансаагаар тэргүүлж буй монгол баг өнөөдөр хоёр дахь тоглолтоо дэлхийн чансааг тэргүүлэгчдийн нэг "G2 Esports"-той хийлээ.

Эхний map The Mongolz-ын сонгосон Ancient-д болоход 13-4 харьцаагаар maaRaa-ийн залуус илүүрхсэн. Харин G2 Esports-ын сонгосон Anubis-т 13-7 харьцаагаар хожсоноор цуврал 2-0-ээр өндөрлөв.

• The Mongolz Саудын Арабын хөрөнгө оруулалттай "Team Falcons"-ыг хожлоо
• The Mongolz "Esports World Cup 2024" тэмцээнд Ази тивийг төлөөлнө
• CS2-ын 100 мянган ам.долларын шагналын сантай тэмцээн Монголд болно

Ийнхүү The Mongolz "B" хэсгээс хасагдах шат буюу Play-off-т шалгарах нь тодорхой болж ESL Pro League-ийн хасагдах шатанд тоглосон анхны Ази баг болж байна. Тэд гурав хоногийн дараа хэсгийн аваргын төлөө дэлхийн аварга, Францын "Team Vitality" багтай тоглоно.

The Mongolz эхний тоглолтдоо "Team Falcons" багтай хийж 2-1 (Mirage 13-3, Nuke 9-13, Ancient 13-11) харьцаагаар хожсон юм. Харин G2 Esports баг өчигдөр Ази тивийн нөгөө төлөөлөл, Хятадын "TYLOO" багийг 2-0  (Ancient 13-6, Inferno 13-10) харьцаагаар хожсон билээ.

Түүнчлэн "ESL Pro League Season 19"-т Номхон далайн орнуудын төлөөлөл хоёр баг оролцож байгаагийн нэг нь монгол дасгалжуулагчтай "FlyQuest" баг юм. Тэд ирэх долоо хоногт эхний тоглолтоо дэлхийн аварга "Natus Vincere"-ын эсрэг хийнэ.