Онцгой байдлын байгууллагаас “Алба хаагчдын хүүхэд хамгааллын бодлого”- ыг батлан, байгууллагын орчинд алба хаагчдын хүүхдүүдэд ээлтэй орчин нөхцлийг бүрдүүлэх, ажлын бүтээмжийг нэмэгдүүлэх хүрээнд олон талт арга хэмжээг хэрэгжүүлэн ажиллаж байна.

Энэ хүрээнд НОБГ-ын Сүхбаатар дүүргийн Онцгой байдлын хэлтсийн Гал түймэр унтраах, аврах 74 дүгээр ангид хүүхдийн цэцэрлэгийг байгуулан, үйл ажиллагааг нь эхлүүлжээ.

ОБЕГ-ын дэргэдэх Улаан загалмай дунд шатны хорооны санхүүжилтээр  цэцэрлэгийн стандарт нормын дагуу тохижуулан, хүүхдийн аюулгүй байдлыг хангах орчныг бүрдүүлж, иж бүрэн тохижилтыг гүйцэтгэсэн аж.