Азийн хөл бөмбөгийн холбооноос зохиодог Азийн аварга шалгаруулах тэмцээний тоглолтууд үргэлжилж байна. 

Йордан улсын шигшээ баг Өмнөд Солонгосын багийг 2:0 харьцаатай хожсоноор хагас шигшээгийн шатнаас гарч, финалд анх удаа тоглохоор боллоо.

Дэлхийн чансааны 87-д жагсдаг Йорданы баг 23-т жагсдаг багийг буулган авсан нь солонгосчуудын хувьд хүндхэн цохилт болов.

• Катар Узбекистаныг хожиж шөвгийн дөрөвт шалгарлаа
• Иранчууд Японы хүчирхэг багийг Азийн аваргаас хаслаа
• Солонгосын шигшээ баг Австралийг хожсоноор шөвгийн дөрөвт тоглох боллоо

Тоглолтын эхний үед гоол ороогүй. Харин хоёрдугаар үеийн 53 дахь минутад Йорданы тамирчин Аль-Наймат, 66 дахь минутад Аль-Таамари нар тус тус гоол оруулсан юм. 

Улмаар тоглолт үндсэн цагт 2:0 харьцаагаар өндөрлөж, Йорданы шигшээ баг түүхэндээ анх удаа Азийн аваргын финалын шатанд шалгарч байна. 

Үүний өмнө Йорданчууд Тажикистаны багийг үндсэн цагт 1:0 харьцаатай буулган авснаар хагас шигшээд мөн анх удаа шалгарсан юм. Тус тоглолтын хоёрдугаар үеийн 66 дахь минутад Йордан тооны харьцааг нээсэн нь Тажикистаны тоглогч Вахдат Ханоновын авто гоол болон бүртгэгдсэн. 

Эх сурвалж: The Guardian