"Монголиа экспедишнс" компанийн санаачилгаар мөсөнд авиралтын спортыг таниулах, хөгжүүлэх, түгээн дэлгэрүүлэх, өвлийн аялал жуулчлалыг дэмжих зорилго бүхий “КАРАКОРУМ АЙС ФЕСТИВАЛЬ-2019” мөсөнд авиралтын тэмцээнийг энэ сарын 7-8-ны өдрүүдэд Өвөрхангай аймгийн Бат-Өлзий сумын нутагт байрлах Улаан цутгалангийн хүрхрээнд зохион байгууллаа.

Энэхүү тэмцээнд уулын спортын ууган мастер Я.Жанцангийн нэрэмжит “Сутайн бор” клубын тамирчин Олон Улсын хэмжээний мастер Н.Хэрлэн, "Хайрхан аялагч" клубын тамирчин Спортын мастер Б.Дэнсмаа нар цомын эздээр шалгарч хүч, хурдан шаламгай байдлаараа бусдыгаа манлайлсан юм.

Хоёр өдөр зохион байгуулагдсан тэмцээнийг үзэж, мөсөнд авиралтын сонирхогчдын төрөлд оролцохоор Өвөрхангай аймгийн Бат-Өлзий сумын I,II,III багийн иргэд хүрэлцэн ирсэн байв. Тэд хүйтэн гэж ажралгүй хүүхдүүдээ дагуулсаар Орхоны хүрхрээнд өнжсөн юм. Нутгийн залуус гартаа бяртай, байнга мал ахуйтай ойр байдаг учир хөдөлгөөний хөнгөн байдлаараа онцгойрч гал гарсан ширүүн өрсөлдөөнийг үзүүлж шүүгчдийг гайхшруулж чадсан юм. 

Та ЭНД  дарж энэ жилийн“Каракорум-2019” мөсөнд авиралтын тэмцээний шилдгүүдтэй танилцаарай.